საქართველოში „ომიკრონის“ მასობრივი გავრცელება იწყება - სპეციალისტების პროგნოზი

საქართველოში „ომიკრონის“ მასობრივი გავრცელება იწყება - სპეციალისტები ვარაუდობენ, რომ დღიურად, შესაძლოა, 20 ათასამდე შემთხვევა დაფიქსირდეს.

„დღევანდელი მაჩვენებელი ინფიცირების, 3 500-ზე მეტი, მიუთითებს, რომ სავარაუდოდ ამ შემთხვევების უკან უკვე ომიკრონის ვარიანტი დგას, ვინაიდან წინა სამშაბათის მონაცემი იყო თითქმის 1 000-ით ნაკლები. შესაბამისად, როდესაც ვლაპარაკობთ, რომ ქვეყანაში არის 144 ლაბორატორიულად დადასტურებული შემთხვევა, ეს არ ნიშნავს, რომ ანალოგიური რაოდენობაა შემთხვევებისა რეალურად ქვეყანაში“, - ამბობს იაშვილის სახელობის ბავშვთა ცენტრალური საავადმყოფოს სამედიცინო დირექტორ.

ივანე ჩხაიძე ვარაუდობს, რომ შემთხვევების რაოდენობა გაცილებით მეტია და ის მატება.

„ჩვენ ვპროგნოზირებდით, რომ იანვრის შუა რიცხვებისთვის იქნებოდა მაქსიმალური მაჩვენებელი ინფიცირების და გამოწვეული იქნებოდა ომიკრონით, დღევანდელი მონაცემებით გარკვეულ წილად მყარდება," - განაცხადა იაშვილის სახელობის ბავშვთა ცენტრალური საავადმყოფოს სამედიცინო დირექტორმა.

2022 წლის 1 იანვარს,ჯანდაცვის მსოფლიო ორგანიზაციის ხელმძღვანელმა დამაიმედებელი პროგნოზი ივარაუდა და თქვა, რომ  2022 შესაძლოა პანდემიის დასრულების წელი იყოს.

ასევე საინტერესოა:

🔵 2022 შესაძლოა პანდემიის დასრულების წელი იყოს - ჯანმოს ხელმძღვანელის დამაიმედებელი პროგნოზი

🔵 2022 წლის პირველი „კოვიდ-ამბები“ რა თქმა უნდა, კარგი ამბებით უნდა დავიწყო - გიორგი ფხაკაძე

🔵 ამირან გამყრელიძე: 2022 წლის მიზანი სრული მოსახლეობის 70%-ის კოვიდსაწინააღმდეგო ვაქცინით აცრა იქნება