"საზოგადოების საკმაოდ მსუყე ნაწილი, უფრო პარტიული გეგმებით იყო მისული" - მიხეილ სარჯველაძე

"დიახ, რა თქმა უნდა, საზოგადოების საკმაოდ მსუყე ნაწილი იყო, რომელიც უფრო პარტიული გეგმებით იყო მისული და არა იმისთვის, რომ რეალურად რაც გაცხადებული დევიზი იყო, იმისთვის სამსახური დაედასტურებინა",- ამის შესახებ ქართული ოცნების დეპუტატმა მიხეილ სარჯველაძემ გუშინდელ აქციაზე შეფასებისას განაცხადა, სადაც ათი ათასობით ადამიანი ევროპული მომავლის დასაცავად შეიკრიბა.

"იქ ხალხი სხვადასხვა მოტივაციით იყო იქ ხალხი მისული, მათ შორის იყო ნაწილი, რომელსაც გულწრფელად სჯერა, რომ ეს მისი სამოქალაქო ვალია, მისულიყო იქ და ეს პოზიცია დაეფიქსირებინა.

ბევრი ამბობდა ამას ღიად, რომ სადაც და რა ფორმითაც არ უნდა იყოს ეს სათქმელი, ყველგან მზადაა, დააფიქსიროს. მაგრამ საუბედუროდ, ყველა ასეთი არ იყო იქ.

იყო ნაწილი, რომელიც ცდილობს საკუთარი ვიწრო პარტიული მიზნით გამოიყენოს ეს, როგორც, მაგალითად, იყო მცდელობები.

თუ დააკვირდებით რიტორიკას, რომელსაც გვთავაზობს მაგალითად, სააკაშვილის მხრიდან გაკეთებული განცხადება, ან ცალკეული პოლიტიკოსების განცხადებები, დიახ, რა თქმა უნდა, საზოგადოების საკმაოდ მსუყე ნაწილი იყო, რომელიც უფრო პარტიული გეგმებით იყო მისული და არა იმისთვის, რომ რეალურად რაც გაცხადებული დევიზი იყო, იმისთვის სამსახური დაედასტურებინა.

ნამდვილად იყო მცდელობები, რომ ვიწრო პარტიული მიზნებით ყოფილიყო რაღაც აქტივობები წამოწყებული",- განაცხადა სარჯველაძემ.

მას შემდეგ, რაც ევროკომისიამ უკრაინისა და მოლდოვის მსგავსად საქართველოსთვის ევროკავშირის კანდიდატის სტატუსის მინიჭების რეკომენდაცია არ გასცა, საქართველოს ევროპული მომავალი კითხვის ნიშნის ქვეშ დადგა. სწორედ ამიტომ, სიმბოლურად 20 ივნისს სიმბოლურ ადგილას საქართველოს მოსახლეობამ კიდევ ერთხელ დაანახა მსოფლიოს საკუთარი ევროპული არჩევანი.

რაც შეეხება აქციაზე მყოფი ადამიანების რიცხვს, სპეციალური პლატფორმის მიხედვით, რომელიც სივრცისა და სიმჭიდროვის გათვალისწინებით დათვლის საშუალებას იძლევა, რუსთაველზე 20 ივნისს შეკრებილთა რაოდენობა, სავარაუდოდ, 100 000-ს აღემატებოდა.

ასევე დაგაინტერესებთ:

📍ემიგრანტის აზრი - გავიდოდნენ თუ არა იტალიაში მცხოვრები ქართველი ემიგრანტები 20 ივნისის აქციაზე - შინ, ევროპისკენ!

📍არესტოვიჩი: ომის დაწყებიდან ამ დრომდე 10 000-მდე უკრაინელი სამხედრო დაიღუპა