„ცრუ ბრალდებაა, არანაირი ძალადობა არ ყოფილა"- ოჯახურ ძალადობაში ბრალდებული მაღალჩინოსნის მეუღლე

ოზურგეთის მერის, ავთანდილ თალაკვაძის, თანაშემწეს, არჩილ ყაზაიშვილს, რომელიც ორი დღის წინ ოჯახური ძალადობის ბრალდებით დააკავეს, წინასაპატიმრო გირაო შეეფარდა.

თანხა  10 000 ლარით განისაზღვრა. მოსამართლის გადაწყვეტილებით, ყაზაიშვილი ციხეს აღნიშნული თანხის გადახდის შემდეგ დატოვებს.

დაკავებული ამჟამად ქუთაისის ციხეშია გადაყვანილი. მისი უფლებადამცველის, მერაბ ფუტკარაძის თქმით, ყაზაიშვილს მედიასთან კომუნიკაცია არ სურს და კომენტარის გაკეთება მასაც აუკრძალა.

თავად ყაზაიშვილის მეუღლე, ნაზი ფუტკარაძე, ამბობს, რომ მეუღლის მხრიდან ფიზიკურ შეხებას ადგილი არ ჰქონია და მხოლოდ სიტყვიერი შელაპარაკება მოხდა, რის გამოც გამვლელმა პოლიციაში დარეკა, რამაც საბოლოო ჯამში ყაზაიშვილის დაკავება გამოიწვია.

"ცრუ ბრალდებაა, არანაირი ძალადობა არ ყოფილა",  _ თქვა ფუტკარაძემ.

ოზურგეთის მუნიციპალიტეტის მერის თანაშემწე არჩილ ყაზაიშვილი სამართალდამცავებმა ოჯახში ძალადობის ბრალდებით დააკავეს.

როგორც საქართველოს შინაგან საქმეთა სამინისტროში „ინტერპრესნიუსს" განუცხადეს, გამოძიება „სისხლის სამართლის კოდექსის" 126-ე პრიმა მუხლით მიმდინარეობს, რაც ძალადობას გულისხმობს.

 ოზურგეთის მერიაში აცხადებენ, რომ არჩილ ყაზაიშვილი მერის თანაშემწის პოზიციაზე ბოლო ერთი თვეა მუშაობს, მანამდე ის გურიის მხარეში სახელმწიფო რწმუნებულის მოადგილედ მუშაობდა.

წყარო: „ტვ პირველი“

ასევე საინტერესოა:

🔵 სპეკულაციებს, რომ საქმე პოლიტიკური იყო, ნიადაგი გამოეცალა - მიხეილ სარჯველაძე

🔵 შენ შეიძლება, უპრობლემოდ გადაიტანო კოვიდ - 19, მაგრამ სხვისთვის დამღუპველი აღმოჩნდეს - გოგა ჩანადირი

🔵 თანახმა ვარ დაავადებათა კონტროლის ცენტრის დირექტორობაზე, ხელფასი არ მინდა - გიორგი ფხაკაძე