"ვასაჯაროებთ იმ პოლიციელების ფოტოსურათებს, რომლებმაც ფიზიკურად და სიტყვიერად იძალადეს გიორგი მჟავანაძეზე" - მოძრაობა "სირცხვილია" ფოტოკოლაჟს აქვეყნებს

მოძრაობა "სირცხვილია" სპეციალურ განცხადებას აქვეყნებს, რომელიც 17 მაისს მომხდარ ფაქტს უკავშირდება.

"ვასაჯაროებთ იმ პოლიციელების ფოტოსურათებს, რომლებმაც 17 მაისს, გლდანი-ნაძალადევის მე-9 განყოფილებაში, ფიზიკურად და სიტყვიერად იძალადეს გიორგი მჟავანაძეზე.

ჩვენი მოთხოვნა უცვლელია, შეუწყდეთ უფლებამოსილება და კანონის სრული სიმკაცრით დაისაჯონ მოძალადე პილიციელები, რომლებიც ამ დრომდე რჩებიან დაკავებულ თანამდებობებზე:

დავით კანკავა, სოლომონ ლომსაძე, ჯონი სამხარაძე, ანზორ გულუა, ზაზა ზურაბიშვილი და გიორგი ჟორდანია.

აქ ჩამოთვლილი პოლიციელების გარდა, ძალადობის აქტში მონაწილეობა მიიღო სხვა არაერთმა თანამშრომელმა.

მათ სახელებსა და გვარებს პერიოდულად გავასაჯაროებთ.

საქართველოს შინაგან საქმეთა სამინისტრო",- აღნიშნულია "სირცხვილიას" მიერ გავრცელებულ განცხადებაში.

ფოტო: "სირცხვილია" 👇

აღნიშნულ სავარაუდო ფაქტს სპეციალური საგამოძიებო სამსახური ეხმაურება, რომელმაც ფაქტის მოკვლევა გიორგი მჟავანაძის მიმართვის საფუძველზე დაიწყო.

როგორც უწყების მიერ გავრცელებულ განცხადებაშია აღნიშნული, "გამოკითხული პოლიციელების ინფორმაციით, გიორგი მჟავანაძის მიმართ ადგილი არ ჰქონია რაიმე სახის ძალადობის და სხვაგვარი უკანონო მოპყრობის ფაქტს".

სპეციალური საგამოძიებო სამსახურის ინფორმაციით, ასევე დანიშნულია სხვადასხვა ექსპერტიზები.

ამავე თემაზე:

📍"გამოკითხული პოლიციელების ინფორმაციით, გიორგი მჟავანაძის მიმართ ადგილი არ ჰქონია რაიმე სახის ძალადობის და სხვაგვარი უკანონო მოპყრობის ფაქტს" - სპეციალური საგამოძიებო სამსახურის განცხადება

📍შენნაირებს *ლეზე ვიხევ, ქურდიც ვარ და პოლიციელიცო – გიორგი მჟავანაძე პოლიციელების მხრიდან ძალადობაზე საუბრობს