ყოფილი ქმრის მიერ მოკლული ილიაუნის ლექტორის საქმეზე სტრასბურგის სასამართლომ კონვენციის მე-2 და მე-14 მუხლების დარღვევა დაადგინა - ხოლო სახელმწიფოს 35 000 ევროს ანაზღაურების ვალდებულება დააკისრა

2021 წლის 8 ივლისს, მარიკა წივწივაძის საქმეზე სტრასბურგის ადამიანის უფლებათა ევროპულმა სასამართლომ ადამიანის უფლებათა ევროპული კონვენციის მე-2 (სიცოცხლის უფლება) და მე-14 (დისკრიმინაციის აკრძალვა) მუხლების დარღვევა დაადგინა.

ინფორმაციას გარდაცვლილი ქალის უფლებადამცველი ორგანიზაცია "საფარი" ავრცელებს.

ამავე გადაწყვეტილებით, სტრასბურგის სასამართლომ სახელმწიფოს დააკისრა განმცხადებლის სასარგებლოდ 35 000 ევროს ანაზღაურების ვალდებულება, არამატერიალური ზიანის სახით.

განმცხადებელი თალიკო თხელიძეა, მარიკა წივწივაძის დედა. მის ინტერესებს “საფარი” იცავდა.

"საქართველოში ყველა ინსტანციის ამოწურვის შემდეგ, 2017 წლის 13 აპრილს, ჩვენი თალიკო თხელიძის სახელით ადამიანის უფლებათა ევროპულ სასამართლოს მივმართეთ", - აცხადებენ ორგანიზაცია "საფარში".

შეგახსენებთ, რომ მარიკა წივწივაძე 2014 წლის 17 ოქტომბერს, ფაქტობრივმა მეუღლემ სამსახურში – ილიას სახელმწიფო უნივერსიტეტში ცეცხლსასროლი იარაღით მოკლა, შემდეგ კი თავი მოიკლა.

ქალი ფაქტობრივი მეუღლის მხრიდან სისტემატური ვერბალური და ფიზიკური ძალადობისა და მუქარის მსხვერპლი იყო.

მან სამართალდამცავ ორგანოებს არსებული საფრთხეების შესახებ 2014 წელს სულ მცირე 11-ჯერ აცნობა და ითხოვა დახმარება, თუმცა – უშედეგოდ.

სხვა სიახლეები:

🔵 ზელენსკი: მოლაპარაკებების პირობები უნდა იყოს სამართლიანი, უკრაინელი ხალხი სხვას არ მიიღებს

🔵 "გამოვედით ყველა ცოცხლები ვართ" - უკრაინაში მებრძოლი ქართველი ლეგიონერი