„ნუ ეხებით ემიგრანტებს, თავისი გასჭირვებიათ , ელემენტარული ვიზიტის დაჯავშნა არ იციან საკონსულოში“ - რას წერს თენგო თორდია

თენგო თორდია სოციალურ ჯგუფ „ქართველები თურქეთში / Gürcüler Turkiy'de“ გამოქვეყნებულ პოსტს პასუხი, ემიგრანტების მხარდამჭერი წერილით გასცა, რომელსაც უცვლელად გთავაზობთ.

„აქ პოსტია #წერექართულად და ზუსტად ამ პოსტი გამო ვწერ ახლა ამას.

ქართველი ემიგრანტების საშუალო ასაკი 40 - 60 წლამდეა.  "ალბათ" ქართველების 80%-მა საერთოდ არც კი იცის ელემენტარული სმარტფონების გამოყენება. ქართული ენის ინტეგრირება სმარტფონებში მოხდა ძალიან გვიან, რამაც ხელი შეუშალა მათთვის გამოცდილების ადრეულ ასაკში მიღება.

მათ წარმოდგენაც კი არ აქვთ საერთოდ შესაძლებელია თუ არა კლავიატურის პარამეტრებიდან ქართული ანბანის გადმოწერისა, ან სულაც რას ნიშნავს "ზ" ასოს გვერდით მდებარე ისარზე, ანუ Shift-ზე რომელიც გვეხმარება - ჭღთშჟძჩ ასოების დაწერისათვის.

ასობით და ათასობით ხალხზე მაქვს, სოციალური ქსელი გახსნილი, არ იციან ელფოსტის დანიშნულება, საათის გასწორება, WiFi-ის გაზიარება, ელემენტარული ვიზიტის დაჯავშნა არ იციან საკონსულოში, რომლებიც 100 ლირას იხდიდნენ და ალბათ ახლაც იხდიან 2 წუთიანი ველის შევსებაში. არ იციან ჰესკოდის აღება და მათი ისთანბულ ქარდზე ინტეგრირება და კიდევ მრავალი. და იცით რატომ ჩამოვთვალე ამდენი? იმიტომ რომ ეს შეუძლებლად მიაჩნიათ. ჰგონიათ რომ ამას მათი გონება ვერ გასწვდება.

ვიდეო გაკვეთილების ჩაწერა დავიწყე ხალხს რომ უაზროდ ფული არ გადაეყარათ, ესეც იმიტომ რომ ელემენტარული არ იცოდნენ, ასობით ხალხი მიმატებდა, შვილო მე ვერ ვიზამ თუ იცი დამეხმარეო. ანუ ვერც ვიდეო გაკვეთილებიდან ვერ იგებდნენ ვერაფერს.

ემიგრანტებს თავისი გასჭირვებიათ, ნუ ეხებით და არავინ შეგეხებათ. ცოტა სხვა კუთხით შეხედეთ ყველაფერს.
გაიგეთ ხალხო რომ ადამიანის გონებას ნუ აკნინებთ თანამედროვე ტექნოლოგიების ვერ სწავლა გაგებით რაც არ უნდა ძალიან ელემენტარული იყოს და ნუ შეურაცხყოფთ, როდესაც მათ უპატივცემულობაში ადანაშაულებთ, რომ ისინი ქართულად შეგნებულად არ წერენ და რამე არ იციან.“ - წერს თენგო თორდია. 

მსგავს თემებზე:

📌 91 წლის იტალიელი ჯინა, იღბლიანი ემიგრანტი და საშობაო სუფრა ქართველებისთვის - სამი ამბავი იტალიიდან

📌 „რა ბედნიერება და სიამაყეა, როცა ემიგრანტ დედას ამაგი დაუფასდება“ - გამარჯვების ისტორია

📌 ორმა „ბადანტემ“ 3000 -ევროიანი ჩანთა მოიპარა