9 წლის ჯორჯინას საფლავიდან ამოღებული ტაბლეტი "სასიკვდილო მედიკამენტზე ალაპარაკდა"

საბერძნეთის პოლიციამ 9 წლის ჯორჯინას საფლავიდან ამოღებულ ტაბლეტში, გამოძიებისთვის საინტერესო დეტალს მიაგნო, რომელიც უშუალოდ მისი გარდაცვალების გამომწვევ წამალს (რომელსაც ჩვენ შეგნებულად არ ვასახელებთ)  უკავშირდება. 

საბერძნეთის პოლიცია, სამი არასრულწლოვანი დის უცნაური გარდაცვალების საქმეს იძიებს.

9 წლის ჯორჯინას მკვლელობაში მათი 33 წლის დედაა ბრალდებული. რამდენიმე დღის წინ ჯორჯინას საფლავიდან ამოღებულ ტაბლეტში, გამოძიებამ საინტერესო დეტალებს მიაგნო, კერძოდ ტაბლეტში Google-ი ისეთი წამლის სახეობების რეკლამას ავრცელებს, რომლითაც გამოწვეული იყო ჯორჯინას გარდაცვალება. აღსანიშნავია რომ Google-ის რეკლამები დაკავშირებულია, ელექტრონული მოწყობილობის მომხმარებლის მიერ ინტერნეტში წარსულში განხორციელებულ ძიებასთან და მის მიერ მონახულებულ ვებსაიტებთან. 

რაც იმას ნიშნავს, რომ ამ კონკრეტული ტაბლეტით  ვიღაც - ამ შემთხვევაში, სავარაუდოდ, 33 წლის ბრალდებული დედა ეძებდა იმ მედიკამენტის მსგავს წამლებს, რომელიც გარდაცვლილი ჯორჯინას სისხლში იყო აღმოჩენილი.

უკვე რამდენიმე დღეა გამოძიებას ხელთ აქვს სამი გარდაცვლილი დის და მათი მშობლების სახლიდან ამოღებული ელექტრო მოწყობილობები და 9 წლის ჯორჯინას ტაბლეტი, რომელიც ბრალდებულის (დედის) ინიციატივით გოგონას საფლავში ჩაუდეს. 

აღსანიშნავია ასევე, რომ პარალელურ რეჟიმში, ჯორჯინას 2 დის,  მალენასა და ირისის  გარდაცვალების საქმის გამოძიებაც მიმდინარეობს.

პოლიციას ამ დრომდე უკვე მიღებული აქვს 15-ზე მეტი ჩვენება და დაკითხული ჰყავს 25 ადამიანი.

როგორც ცნობილია გამოძიება მიზნად ისახავს თითოეული ადამიანის დაკითხვას, რომელიც 2 გოგონას მკურნალობის პერიოდში მათ პალატაში შესვლა მოუწიათ. 

ასევე საინტერესოა

🔵საბერძნეთის პოლიციამ "ოჯახის დამხმარე" ქართველი ქალი დააკავა - დამსაქმებლის სახლიდან დაკარგულია 133 000 ევროს ღირებულების ძვირფასი ნივთები და ფული

🔵საბერძნეთის მთავრობა, ახალი პროგრამის ფარგლებში 1000 შშმ პირს უფასოდ, პირადი დამხმარის მომსახურებით უზრუნველყოფს

🔵საბერძნეთში, 1 მაისიდან ვაქცინაციის სერტიფიკატის 1 ივნისიდან კი პირბადის ტარების ვალდებულება უქმდება!