ათენში,  ბერძენ და ქართველ ხელოვანთა ნამუშევრების გამოფენა გაიხსნა

საბერძნეთის ლიტერატურისა და ხელოვნების ასოციაციის ორგანიზატორობით, 8 მაისს ათენში,  ბერძენი და ქართველი ხელოვანების ნამუშევრების გამოფენა გაიხსნა, რომელიც 14 მაისამდე გასტანს.  

გამოფენის საზეიმო გახსნას, საელჩოს უფროსი მრჩეველი, დეა მუმლაძე დაესწრო. 

ამის შესახებ ინფორმაციას, საბერძნეთში საქართველოს საელჩო ავრცელებს. 

"2022 წლის 8 მაისს ათენში მარუსის მუნიციპალიტეტის ‘’ბერძნული კერამიკის ცენტრში’’ ბერძენი და ქართველი ხელოვანების ნამუშევრების გამოფენა გაიხსნა.

ღონისძიების მთავარი ორგანიზატორი საბერძნეთის ლიტერატურისა და ხელოვნების ასოციაცია გახლავთ (Panhellenic association of literature & art- PELT).

გამოფენაში, რომელიც 14 მაისამდე გასტანს, ქართველ მხატვართა დიდი ჯგუფია წარმოდგენილი, მათ შორის: მანანა ცერცვაძე, სოფია ბელთაძე, ქეთი უძილაური, თამარა ელიკაშვილი, ლია არსენაშვილი, ირინა ძამაშვილი, ნინო ძამაშვილი, თამო გითოლენდია, მაკა ზურაბაშვილი, ქეთევან კავილაძე, ნინო ხარატიშვილი, ნონა კოკაია, ფიქრია კოხოძე, მარიკა ქვლივიძე.

ღონისძიების ფარგლებში საელჩოს წარმომადგენელმა და ქართველმა მხატვრებმა ისაუბრეს ხელოვანების წინაშე არსებულ გამოწვევებზე. აღინიშნა საელჩოს მხარდაჭერის მნიშვნელობა.

დეა მუმლაძემ ქართველ მხატვრებთან ერთად განიხილა მიმდინარე წლის განმავლობაში მათი საქართვლო-საბერძნეთის დიპლომატიური ურთიერთობების 30 წლისთავისადმი მიძღვნილ კულტურულ ღონისძიებებში ჩართვის შესაძლებლობები.

აღსანიშნავია, რომ ღონისძიების ორგანიზატორებმა მადლობა გადაუხადეს საქართველოს საელჩოს ჩართულობისა და ქართველი ნიჭიერი მხატვრების თანადგომისთვის.

გამოფენაში მონაწილე ხელოვანებს ორგანიზატორების მიერ სპეციალური სერტიფიკატები გადაეცათ.
მსურველებს შეუძლიათ ექსპონატების დათვალიერება შემდეგ მისამართზე:
ბერძნული კერამიკის ცენტრი, კიფისიის გამზირი N 207, მარუსი." - ნათქვამია საქართველოს საელჩოს ოფიციალურ გვერდზე გამოქვეყნებულ ინფორმაციაში. 

ასევე საინტერესოა

🔵კიევში საბერძნეთის საელჩომ მუშაობა განაახლა

🔵ჯორჯინას და მელინას გარდაცვალება ერთი და იგივე მედიკამენტით არის გამოწვეული - საზარელი შემთხვევა საბერძნეთში

🔵"მოვკალი იმიტომ, რომ შეურაცხყოფა მომაყენა"- ამბობს 53 წლის კაცი, საკუთარი 2 შვილის დედაზე

ასევე საინტერესოა

🔵"მოვკალი იმიტომ, რომ შეურაცხყოფა მომაყენა"- ამბობს 53 წლის კაცი, საკუთარი 2 შვილის დედაზე

🔵ჯორჯინას და მელინას გარდაცვალება ერთი და იგივე მედიკამენტით არის გამოწვეული - საზარელი შემთხვევა საბერძნეთში

🔵კიევში საბერძნეთის საელჩომ მუშაობა განაახლა