აზოვის ბატალიონის ჯარისკაცი მოკლეს, რომელმაც 7 აპრილს საბერძნეთის პარლამენტს სიტყვით მიმართა

აზოვის ბატალიონის ბერძენი წარმოშობის ჯარისკაცი მიხაილი გასულ კვირას  ბრძოლის ველზე დაიღუპა, ამის შესახებ ინფორმაციას, საბერძნეთში უკრაინის ელჩი ადასტურებს. 

"ის მარიუპოლის მოქალაქეების დაცვას დროს მოკლეს"- განაცხადა უკრაინის ელჩმა. 

შეგახსენებთ, რომ 7 აპრილს  საბერძნეთის პარლამენტში  უკრაინის პრეზიდენტის ვოლოდიმირ ზელენსკის გამოსვლის შემდეგ ჯარისკაცმა სიტყვით მიმართა საბერძნეთის პარლამენტს, რასაც აზრთა სხვადასხვაობა და დიდი  რეაქცია მოჰყვა.

ბერძნული წარმოშობის ჯარისკაცი საბერძნეთის პარლამენტს წინაშე შემდეგი მიმართვით გამოვიდა: 

"დილა მშვიდობისა, საბერძნეთის პარლამენტის პატივცემულო წევრებო. მოგმართავთ, როგორც წარმოშობით ბერძენი. Ჩემი სახელია მიხაილი. ბაბუაჩემი მეორე მსოფლიო ომში ნაცისტების წინააღმდეგ იბრძოდა. ის სამჯერ დაჭრეს. მე  მარიუპოლში დავიბადე  და  რუსი ნაცისტებისგან ქალაქის დაცვაში ვმონაწილეობ. ეს არის ჩემი ვალი ჩემი ქალაქის წინაშე, ეს არის ჩემი, როგორც კაცის ვალი. მე უნდა მოგიყვეთ იმ კატასტროფულ პირობების შესახებ რომელშიც მარიუპოლის მშვიდობიანი მოსახლეობა იმყოფება. 

ამ ქალაქის მოსახლეობის ძალიან დიდი ნაწილი ბერძნული და ბერძნული წარმოშობისაა და საბერძნეთი ყოველთვის მის გვერდით იყო. „დღეს მარიუპოლის 90%  ყოველდღიური დაბომბვის შედეგად მთლიანად გაანადგურეს რუსებმა. 

1 მარტიდან ქალაქს რუსმა ნაცისტებმა ალყა შემოარტყეს და ჩვენ წყლის ელექტროენერგიის და საკვების გარეშე დავრჩით. „თანამემამულენო, ჩვენ გვაქვს ქალაქი, სადაც ათასობით ადამიანი ცხოვრობს და იღუპება, რისთვისაც გთხოვთ რომ დაგვეხმაროთ "

ასევე საინტერესოა

🔵საბერძნეთში, ხის გადამამუშავებელ ქარხანაში ძლიერი აფეთქება მოხდა

🔵საბერძნეთში ბუნებრივი აირის ტერმინალის მშენებლობა დაიწყო, რომელიც რუსულ გაზს ეროვნულ ბაზარზე შეცვლის

🔵საბერძნეთში, მომავალი კვირიდან ძირითად პროდუქტებზე ფასები 50 % -მდე მოიმატებს