"ჯერ კიდევ მჯერა, რომ ჩემი ქალიშვილი სასეირნოდ არის წასული და სახლში, მალე  დაბრუნდება" - სრულიად ჯანმრთელი 12 წლის გოგონა ძილში გარდაიცვალა

წარმოუდგენელი ტრაგედია დატრიალდა საბერძნეთში. უბედური შემთხვევა თესალონიკში მოხდა. მშობლებმა სრულიად ჯანმრთელი, 12 წლის გოგონა საკუთარ ოთახში გარდაცვლილი იპოვეს. 

როგორც protothema.gr-ს 12 წლის დიმიტრას მამა უყვება, მშობლებმა მისი გარდაცვალების ამბავი მაშინ შენიშნეს როდესაც  7:30 საათზე დედა მის ოთახში მოზარდის გასაღვიძებლად შევიდა და გოგონა ლოგინში გალურჯებული ნახა. 

"მაშინვე სასწრაფო დახმარება გამოვიძახეთ. მე ვცდილობდი მისთვის ხელოვნური სუნთქვა ჩამეტარებინა... თუმცა უშედეგოდ,  გვითხრეს, რომ გარდაცვალების მიზეზი, სავარაუდოდ ინფარქტი გახდა." - ამბობს გოგონას მამა. 

მისივე გადმოცემით, გარდაცვალებამდე ერთი დღით ადრე გოგონა მშობლებთან ერთად ექსკურსიაზე იყო, შემდეგ სახლში მოვიდა იმეცადინა, ითამაშა იბანავა და უპრობლემოდ დაიძინა.

მამა აღნიშნავს, რომ 12 წლის ბავშვს არანაირი ჯანმრთელობის პრობლემა არ ჰქონია. ის ყოველწლიურად გადიოდა შემოწმებას ბოლო გამოკვლევები კი სამი თვის წინ ჩაიტარა, რომელმაც დაადასტურა რომ ბავშვი სრულიად ჯანმრთელი იყო.  

 "ჯერ კიდევ მჯერა, რომ ჩემი ქალიშვილი სასეირნოდ არის წასული და სახლში, მალე  დაბრუნდება. ძნელია იმის გაგება,რომ ის სამუდამოდ წავიდა" - ამბობს 12 წლის ბავშვის მამა. 

ასევე საინტერესოა:

🔵საბერძნეთში დღეიდან დახურულ სივრცეში პირბადის ტარების ვალდებულება გაუქმდა

🔵საბერძნეთში მინიმალური ხელფასი 713 ევრომდე გაიზარდა

🔵საბერძნეთში, 67 წლის ქალს სარეცხი საშუალების ტაბლეტი ტკბილეული ეგონა და შეჭამა