კატის მიმართ სასტიკად მოპყრობის კადრები - როგორ ხსნის საკუთარ საქციელს ახალგაზრდა კაცი?

ბერძნულ მედიაში გავრცელებულმა შოკის მომგვრელმა ვიდეომ, საზოგადოებაში დიდი აღშფოთება გამოიწვია. ვიდეოში ჩანს ზღვის პირა ტავარნაში, ახალგაზრდა კაცი როგორ იტყუებს კატებს საკვებით, იმისათვის, რომ ზღვაში გადაყაროს.  

ბერძენი  ჟურნალისტის მიერ გასაჯაროებულ ვიდეოში, რომელიც სოციალურ ქსელში თავად მოძალადემ ატვირთა, ჩანს, რომ ტავერნაში რამდენიმე ადამიანი იყო შეკრებილი, როდესაც მათ ორი მშიერი კატა მიუახლოვდა. 

ახალგაზრდა კაცი კატებს, მოსახერხებელ ადგილას თევზით იტყუებს შემდეგ კი ფეხის კვრით ზღვაში აგდებს და იგივე მოქმედების განხორციელებას მეორე კატის მიმართაც ცდილობს. 

გავრცელებულ ვიდეოს მოქალაქეთა დაცვის მინისტრი ტაკის თეოდორიკაკოსიც გამოეხმაურა, რომელიც ადგილობრივი პოლიციის მეთაურს დაუკავშირდა და "სამარცხვინო ვიდეოში" ყველა პირის იდენტიფიცირება, დაკავება და სასამართლოს წინაშე წარდგენა მოითხოვა. 

შეგახსენებთ, რომ საბერძნეთის ახალი კანონმდებლობის მიხედვით, ცხოველის წამება და მოკვლა 10 წლამდე თავისუფლების აღკვეთას ითვალისწინებს.  

საზოგადოების მხრიდან ნეგატიური გამოხმაურების შემდეგ, ახალგაზრდა კაცმა, სოციალურ ქსელში ვიდეო მიმართვა გაავრცელა სადაც, ის ბოდიშს იხდის და განმარტავს, რომ კატების მიმართ ცუდი განზრახვა არ ჰქონიათ და ვიდეო, რომელიც არასასიამოვნო სანახავი იყო, მიღებული ალკოჰოლის შემდეგ ნამოქმედარი უაზრო ხუმრობა უწოდა.

ცნობისთვის, კატა დაბალი სიმაღლიდან სანაპიროზე დაეცა და მას არაფერი დაშავებია. 

ასევე საინტერესოა

🔵თესალონიკში, პარკში სრიალის დროს 8 წლის გოგონამ თითი დაკარგა

🔵საბერძნეთში მძღოლმა, რომელიც მანქანას მართვის მოწმობის გარეშე მართავდა, ერთი ადამიანის სიცოცხლე იმსხვერპლა

🔵დღეიდან საბერძნეთი ნორმალურ ცხოვრების რიტმს უბრუნდება - ქვეყანაში შემოსასვლელად მხოლოდ პირბადე გჭირდებათ