მოკლეს ირიდა და მელენა - სიკვდილის გამომწვევი მიზეზი იგივეა, განსხვავებულია მექანიზმი

ბერძნული მედია, საბერძნეთში გარდაცვლილი სამი არასრულწლოვანი დის გამოძიების საქმესთან დაკავშირებით ახალ დეტალებს ავრცელებს.  ამჯერად გასაჯაროებულ  საქმის დეტალებში საუბარია ორი დის ირიდას და მელენას გარდაცვალების გამომწვევ  მიზეზებზე. 

გავრცელებული ინფორმაციით, სამედიცინო ექსპერტების ნიკოს კარაკუკისისა და ნიკოს კალოგრიასის დასკვნიდან გამომდინარე,  მიუხედავად იმისა, რომ ორივე ბავშვის შემთხვევაში საუბარია დახრჩობის შედეგად გამოწვეულ გარდაცვალებაზე, მექანიზმი განსხვავებულია. კერძოდ, enikos.gr-ის ცნობით, ირისი გაგუდული იქნა თავისი ნაჭრით რომელიც მას ლოგინში ჰქონდა, ხოლო მალენა კი ხელით.

 პოლიციის წარმომადგენელი enikos.gr-თან საუბრისას აღნიშნავს, რომ ის რაც დასკვნაში წერია არ ტოვებს არანაირ ეჭვს იმის შესახებ რომ ეს არის მკვლელობა. 

მას შემდეგ, რაც სამედიცინო ექსპერტების დასკვნა  პოლიციას გადაეცა, გამოძიებამ შემდეგ საფეხურზე გადაინაცვლა და ახლა უკვე  ორი ბავშვის გარდაცვალებაზე პასუხისმგებელი პირების დადგენა და მათი პასუხისგებაში მიცემის პროცესი მიმდინარეობს.

გავრცელებული ინფორმაციით, გარდაცვლილი ბავშვების დეიდა დიმიტრა პისპირიგუ  გამოძიებას ჩვენებას უახლოეს დღეებში მისცემს. ბავშვების 33 წლის ბრალდებულის დედის მშობლების  დაკითხვა  დღეს, რამდენიმე წუთის წინ დასრულდა.

წყაროს ინფორმაციით ბრალდებული დედის მშობლები კატეგორიულად აცხადებენ, რომ " წარმოუდგენელია რულას საკუთარი შვილები მოეკლა".

შეგახსენებთ, რომ გოგონების გარდაცვალების საქმესთან დაკავშირებით, მთავარი ეჭვმიტანილის სტატუსით მათი 33 წლის დედა რულა პისპირიგუა დაკავებული. 

ასევე საინტერესოა:

🔵იასამნისფერის მედუზების შემდეგ საბერძნეთში ლურჯი მედუზაც აღმოაჩინეს

🔵საბერძნეთში, ბავშვის ნათლობაზე წასულმა კაცმა აღმოაჩინა, რომ საკუთარ ქორწილში იმყოფებოდა - მოულოდნელი სიურპრიზი სიძეს

🔵 ათენში 23 და 24 ივნისს ტემპერატურა 39 გრადუსს მიაღწევს