პოლიციამ ათენში 31 წლის ქართველი ქალი დააკავა - იგი სახლების დარბევასა და ადამიანების წამებისთვის იყო ძებნილი

პოლიციამ ათენში 31 წლის ქართველი ქალი ყაჩაღობის ბრალდებით დააკავა, რომლის მიმართაც იტალიის ხელისუფლების ევროპული დაპატიმრების ორდერი იყო გამოტანილი.

ინფორმაციას ბერძნული მედია ავრცელებს.

მათივე ცნობით, ახალგაზრდა ქალს იტალიაში ჩადენილ დანაშაულს ედავებიან. 

საქმის მასალებით დგინდება, რომ ერთი წლის წინ, 2021 წლის მარტში ქალმა კალაბრიას რეგიონში 3 ადამიანთან ერთად, ერთ-ერთი საცხოვრებელი სახლი დააყაჩაღა, რამდენიმე საათის განმავლობაში მძევლად სახლის მეპატრონე და მისი ოჯახის წევრები აიყვანა. მძევლებს შორის ერთი ჩვილი ბავშვი იყო.  მან ჩვილი დედის თვალწინ აწამა, რათა ქალმა მისთვის გაემხილა სად იყო სეიფი.

დაკავებულ ქართველს ყაჩაღობა და მკვლელობის მცდელობა ედება ბრალად.

როგორც მედია წერს, ფაქტობრივად დამნაშავეებმა მძევლად აიყვანეს თითქმის მთელი ოჯახი, მათ შორის ბებია-ბაბუა და ჩვილი, კაბელებით დააბეს.

აქვე აღსანიშნავია, რომ დამნაშავე გარკვეული პერიოდის განმავლობაში მუშაობდა კონკრეტულ ფერმაში.

MEGA-ს ცნობით, ყაჩაღობაში ბრალდებული ათენში ცხოვრობდა, მაგრამ იგი პოლიციას რომ არ ეპოვა სხვადასხვა სახელს იყენებდა და საცხოვრებელს იცვლიდა ხშირად.

ასევე დაგაინტერესებთ:

* ლაშა ბექაურმა ტოკიოს გრანდ სლემზე ოლიმპიური ჩემპიონი, იაპონელი ბეიკერი დაამარცხა და ბრინჯაოს მედალს დაეუფლა