საბერძნეთში დიდი არეულობა მოჰყვა ვიწრო გალიებში გამომწყვდეული ორი ლომის და ერთი ვეფხვის გამოჩენას

საბერძნეთში კერძოდ პრომახონას საბაჟოზე, დიდი არეულობა მოჰყვა, ვიწრო გალიებში გამომწყვდეული ორი ლომის და ერთი ვეფხვის გამოჩენას. 

თავდაპირველად ERT-ის მიერ გავრცელებული ინფორმაციით, ცხოველები კუნძულ მიკონოსზე  გადასაყვანად იყვნენ განკუთვნილი, რასაც საზოგადოების უარყოფითი რეაქცია მოჰყვა, რადგან კუნძულზე ცხოველებისთვის საჭირო პირობების შესაქმნელად არ არსებობს არც ზოოპარკი და არც ცირკი.

რამაც შესაბამისად გააჩინა კითხვა, რისთვის იყო საჭირო საცოდავი ცხოველების იქ გადაყვანა, სავარაუდოდ ვიღაცის "გიჟური" გართობისთვის?! 

ამრიგად, ცხოველთა და გარემოს დაცვის ფედერაციის პრეზიდენტმა ნატაშა ბომბოლაკმა საქმეში, პროკურორის ჩარევა მოითხოვა.

თუმცა, მოგვიანებით როგორც  საბაჟოს უფრომა იანნის კარაკასიდისმა განაცხადა, ეს სამი ულამაზესი ველური ცხოველი, რომლებმაც მოგზაურობა სლოვაკეთიდან  დაიწყეს, გადაჰყავდათ არა მიკონოსში, არამედ ალბანეთში, მაგრამ უნდა გაევლო საბერძნეთი, რადგან ყველა სასაზღვრო პუნქტში არ არსებობს ვეტერინარული შემოწმება, რაც ამ შემთხვევაში იყო საჭირო.

"ეს იყო ექსპორტი სლოვაკეთიდან ალბანეთში. მგონი ცხოველები უკვე ჩავიდნენ ალბანეთში.

დამხმარე დოკუმენტებთან დაკავშირებით არანაირი პრობლემა არ ყოფილა.

SYKE Evzoni-ის ვეტერინარებმა ჩაატარეს ვეტერინარული ექსპერტიზა და არანაირი პრობლემა არ გამოვლენილა",- განმარტა იანნის კარაკასიდისმა.

ასევე საინტერესოა:

🔵 ორშაბათს ღამით, ხანძარი გაჩნდა პაროში - მდგომარეობას ძლიერი ქარი კიდევ უფრო ართულებს

🔵საბერძნეთში, სანაპირო დაცვის თანამშრომლებმა 57 არალეგალური ემიგრანტი გადაარჩინეს - დაკავებულია ორი ადამიანი

🔵მსოფლიოში ყველაზე ძვირად ღირებული ბერძნული "სუვლაკის" - ფასი 17 ევროს აღწევს