საბერძნეთში, განსაკუთრებით საშიში იასამნისფერი მედუზა გამოჩნდა - როგორ მოვიქცეთ მისი ნაკბენის შემთხვევაში?!

საბერძნეთში, ზღვის და ცურვის მოყვარულს საზოგადოებას წელს განსაკუთრებული სიფრთხილის გამოჩენა მოუწევთ, რადგან ბოლო პერიოდი განმავლობაში იასამნისფერი მედუზების რაოდენობა მკვეთრად გაიზარდა.

იასამნისფერი მედუზა (Pelagia noctiluca) ხმელთაშუა ზღვის ერთ-ერთ ყველაზე საშიშ სახეობად ითვლება. ნაკბენ უჯრედებში შემავალი ნეიროტოქსინის გამო, მისი ნაკბენი ძალზე მტკივნეულია. 

ყველა დამსვენებელი ძალიან კარგად უნდა იყოს ინფორმირებული იმის შესახებ თუ, როგორ უნდა მოვიქცეთ იმ შემთხვევაში თუ მედუზამ გვიკბინა. 

მედუზა კანთან შეხებისას იწვევს წვის შეგრძნებას, ძლიერ ტკივილს, ანთებას და წითელ გამონაყარს. მისი ნაკბენი  ჩვეულებრივ იწვევს ჭინჭრის ციებას, ბუშტუკებს კანზე და სიმშრალეს. 

სხვა ნაკლებად გავრცელებული სიმპტომებია გულისრევა, კუნთების კრუნჩხვები და სუნთქვითი პრობლემები.

რჩევები იმის შესახებ თუ როგორ მოვიქცეთ მედუზის "ნაკბენის" შემთხვევაში განსხვავდება თავად მედუზის ტიპის მიხედვით. 

კონკრეტულად იასამნისფერი მედუზის ნაკბენის შემთხვევაში კი პროფესიონალები გვირჩევენ:

✅ საფუძვლიანად ჩამოიბანეთ ზღვის წყლით დაზიანებული ადგილი, უხეში მოძრაობის გარეშე. 

✅ თუ არსებობს, საშუალება წაისვით ზღვის წყლისა და საცხობი სოდას ნარევი (1:1 თანაფარდობა) ორი წუთის განმავლობაში. ეს შეაჩერებს კანზე დარჩენილი  შხამის შემდგომ გამოყოფას . 

✅ ნაკბენიდან კანზე დარჩენილი სოდის და სავარაუდოდ ჩხირების მოსაშორებლად გამოიყენეთ პლასტიკური ბარათი.

✅ 5-15 წუთის განმავლობაში დაიდეთ ცივი კომპრესი.  გამოიყენეთ ყინულის პაკეტი, ან ცივი სასმელი, რომელიც გახვეული იქნება  ქსოვილში. დაიმახსოვრეთ, რომ  ყინული არ უნდა მოხვდეს უშუალო კანთან კონტაქტში.

✅ ტკივილის ხარისხიდან გამომდინარე, საჭიროების შემთხვევაში კიდევ 5 წუთის განმავლობაში,  დაიდეთ ცივი კომპრესი. 

✅ იმ შემთხვევაში თუ ძლიერი ტკივილი კვლავ გაგრძელდა, მიმართეთ ექიმს ან ფარმაცევტს. სავარაუდოდ ის დაგინიშნავთ ტკივილგამაყუჩებლებს და/ან რაიმე ანთების საწინააღმდეგო მალამოს მაგ. ლიდოკაინისა და ჰიდროკორტიზონის 3-4%-იანი შემცველობას. 

❌ არ შეიხვიოთ ნაკბები და არ გამოიყენოთ ძმარი, ახალი (სასმელი) წყალი, ალკოჰოლი და ამიაკი, რამაც შეიძლება კიდევ უფრო გააუარესოს მდგომარეობა.  

iNaturalist - ის ინფორმაციით, განსაკუთრებული სიფრთხილე უნდა გამოვიჩინოთ შემდეგი სანაპიროების სტუმრობის შემთხვევაში: 

1. კავურის სანაპირო

2. ვულიაგმენის სანაპირო

3. გლისტრას სანაპირო (ლაგონისი)

4. ნისაკის სანაპირო (ლავრიო)

5. კორონის სანაპირო (პორტო რაფტი)

6. ავლაკის სანაპირო (პორტო რაფტი)

7. ვრავრონას სანაპირო

8. არგირა აქტი (ნეა მაკრი).

ასევე საინტერესოა:

🔵 ათენის გარეუბანში ძლიერი ხანძარია - ანო ვულაში იწვის სახლებიც

🔵შეყვარებულზე გაბრაზებულმა კაცმა, დალასის მუზეუმში 5 მილიონი დოლარის ღირებულების ძველი ბერძნული ჭურჭელი გაანადგურა

🔵"ჯერ კიდევ მჯერა, რომ ჩემი ქალიშვილი სასეირნოდ არის წასული და სახლში, მალე  დაბრუნდება" - სრულიად ჯანმრთელი 12 წლის გოგონა ძილში გარდაიცვალა