საბერძნეთში მცხოვრები უკრაინის მოქალაქეების ნაწილი სამშობლოში დაბრუნებას და ბრძოლაში ჩართვას ითხოვს

დღეს დილიდან, საბერძნეთში უკრაინის საელჩოსთან არიან შეკრებილები უკრაინის მოქალაქეები, რომლებიც საკუთარ სამშობლოში დაბრუნებას ითხოვენ. 

მას შემდეგ რაც, უკრაინაში რუსეთი შეიჭრა, საბერძნეთში  მცხოვრები ათობით უკრაინელი გამოცხადდა ფილოთეიში მდებარე უკრაინის საელჩოს ფილიალში, რათა შესაძლებლობა მისცემოდათ დაუკავშირდნენ ნათესავებს და გაეგოთ, როგორ დაბრუნდნენ სამშობლოში.

მათ შორის არიან უკრაინელი ტურისტებიც, რომლებიც შექმნილი ვითარებიდან გამომდინარე საბერძნეთში ჩარჩნენ და კიევის მიმართულებით გაფრენას ითხოვენ. 

"ოჯახთან მხოლოდ ინტერნეტით ვსაუბრობთ. გვეუბნებიან, რომ დაბომბვა 5 საათზე დაიწყო. მათ ამ ეტაპზე აქვთ საჭმელი  ინტერნეტი და დენი, მაგრამ არის ასევე  პანიკა და მომდევნო დღეების შიში - ამბობს ახალგაზრდა უკრაინელი ბერძნულ მედიასთან საუბრისას. 

"უკრაინაში გამგზავრება ახლა მხოლოდ და მხოლოდ საავტომობილო გზით არია შესაძლებელი, ფრენები არ ხორციელდება. ბევრს სურს უკრაინაში დაბრუნება, მაგრამ ბევრს სურს ასევე იქიდან წასვლაც.  ბევრია მათი რაოდენობაც, ვისაც უკრაინაში დაბრუნება და ჯარში მოხალისე ჯარისკაცებად სურთ ჩაწერა და ბრძოლაში მონაწილეობის მიღება." - აღნიშნავს ანატოლი კუცირკო, ათენის უკრაინული დიასპორის ვიცე პრეზიდენტმა.

ასევე საინტერესოა

🔵საბერძნეთი გმობს რუსეთის თავდასხმას უკრაინაზე

🔵ბევრი ბერძენი ჩადგა უკრაინის საზღვრის დაცვაში "ისინი მზად არიან ჩვენთან ერთად იბრძოლონ" - ამბობს უკრაინელი ოფიცერი

🔵არმია ჩვენი მოქალაქეების მხარდაჭერას ითხოვს. ისინი გმირები არიან - ვოლოდიმირ ზელენსკი