"ეს ამბავი ადასტურებს, რომ ჩვენ მარტო არ ვართ დედამიწაზე" - გედების სიყვარულის სევდიანი ისტორია, რომელმაც ბერძნული მედიის ყურადღება მიიპყრო

გედების უსაზღვრო სიყვარულის დაუჯერებელმა ისტორიამ ბერძნული მედიის დიდი ყურადღება მიიპყრო.

საუბარია, კასტორიის ტბაზე მობინადრე შეყვარებულ გედებზე, რომლებიც ამ ტერიტორიაზე დასახლების დღიდან, განუწყვეტლივ ერთად იყვნენ და სხვა გედებისგან მოშორებით საკუთარი ბუდეც აიშენეს, თუმცა წყვილის ბედნიერებამ დიდხანს ვერ გასტანა. 

როგორც ადგილობრივი მედია წერს, დაახლოებით ერთი კვირის წინ მდედრ გედს თავს მაწანწალა ძაღლები დაესხნენ, რის შედეგადაც მან ძალიან მძიმე დაზიანებები მიიღო და სამედიცინო დახმარება დასჭირდა. შედეგად ის ვეტერინარულ საავადმყოფოში გადაიყვანეს.

კასტორიის გარემოს დაცვის კომპანიის ვიცე-პრეზიდენტის, ნიკოს პანაგიოტოპულოსის  გადმოცემით, მამრი გედი მთელი ამ დროის განმავლობაში  ვეტერინარული კლინიკის გარეთ იმყოფებოდა და წუთითაც არ ტოვებდა ადგილს, სადაც მისი საყვარელი მდედრი ეგულებოდა. 

სამწუხაროდ ვეტექიმების დიდი მცდელობის მიუხედავად გედის გადარჩენა ვერ მოხერხდა.

ამავე დროს მამრი გედი მიხვდა რაც მოხდა.

„ჩვენ გადავწყვიტეთ ის ტბის მოპირდაპირე მხარეს წაგვეყვანა, დაახლოებით 20 კილომეტრის მოშორებით, თუმცა მას ეს საერთოდ არ მოეწონა.

გამუდმებით ტიროდა, აუტანელი იყო მისი მდგომარეობა აშკარად დაბრუნება სურდა" - განაცხადა გარემოს დაცვის კომპანიის ვიცე პრეზიდენტმა. 

საბოლოოდ დამწუხრებული გედი ტბაზე დატოვეს, იმ იმედით რომ დროთა განმავლობაში გარემოს მერგებოდა, თვითონ კი უკან დაბრუნდნენ მანქანით ანუ (20 კილომეტრის მოშორებით) იქ მისულებმა კი აღმოაჩინეს რომ გედი უკან მათზე ადრე დაბრუნებულიყო. 

როგორც ცნობილია მამრი გედი იმდენად განიცდის საყვარელი მდედრის დაკარგვას, რომ უარს ამბობს საკვებზეც და თუ ასე გააგრძელა არსებობს საშიშროება, რომ მის სიცოცხლეს საფრთხე შეექმნება.

ის ამ დრომდე განაგრძობს იმ ადგილას ყოფნას სადაც ბოლოჯერ ნახა მდედრი გედი.

გარემოს დაცვის ვიცე პრეზიდენტის განცხადებით, მომდევნო დღეებში გედს ტბის სხვა უფრო შორეულ მხარეს გადაიყვანენ და თუ კი კვლავ უკან დაბრუნდა, მაშინ იძულებულნი იქნებიან, რომ ის დასავლეთ მაკედონიის სხვა ტბაზე გადაიყვანონ. 

"ეს ამბავი ადასტურებს, რომ ჩვენ მარტო არ ვართ დედამიწაზე.

ადამიანი არ არის ერთადერთი, ვისაც აქვს აზროვნების და გრძნობების უპირატესობა", - აცხადებს ნიკოს პანაგიოტოპულოსი, რომელიც თვითმხილველი გახდა ორი გედის სევდიანი და დიდი სიყვარულის ისტორიის. 

ასევე საინტერესოა

🔵საბერძნეთმა, თავშესაფრისთვის უსაფრთხო წარმოშობის ქვეყნების სიას ეგვიპტე, ნეპალი და ბენინი დაამატა, ამავე სიაშია საქართველო და უკრაინა

🔵საბერძნეთი საკუთარ მოქალაქეებს მოუწოდებს უარი თქვან უკრაინაში მოგზაურობაზე

🔵საბერძნეთის მთავრობა, რუსეთის მიერ დონეცკისა და ლუგანსკის დამოუკიდებლობის აღიარებას კანონდარღვევად მიიჩნევს