"სარკეში ვიყურები და თავს ლამაზად ვგრძნობ"- როგორია იოანას ცხოვრება თავდასხმიდან 2 წლის შემდეგ?!

იოანა პალიოსპირუ, მასზე განხორციელებული თავდასხმიდან თითქმის 2 წლის შემდეგ, ტელეკომპანია ALPA-ს გადაცემაში ნიღბის გარეშე პირველად წარდგა და მაყურებელს თავდასხმის დღეზე და მას შემდეგ განვითარებული მოვლენების შესახებ უამბო. 

იოანა იმ ადგილას მივიდა სადაც მას მჟავით ეფი კაკარანძულა თავს  დაესხა  და აღწერა რა მოხდა იმ საბედისწერო დღეს, რომელმაც სამუდამოდ შეცვალა მისი ცხოვრება. 

 იოანა იხსენებს, რომ თავდასხმისას ჯერ მას საშინელი ქიმიური სუნი სუნი ეცა რასაც შემდეგ აუტანელი კანის წვა და ტკივილი მოჰყვა.  ამ დროს პირველი რაც თავში აზრად მოუვიდა იყო, შენობის მოპირდაპირე მხარეს მდებარე აფთიაქი და პირდაპირ მისკენ გაიქცა " ამ დრომ თვითგადარჩენის ინსტინქტი ავტომატურად მუშაობს" - თქვა მან. 

მან გადაცემაში გაიხსენა ასევე საავადმყოფოში მკურნალობის პირველი პერიოდი და მისი მძიმე ფსიქოლოგიური მდგომარეობა. როგორც აღნიშნა, საავადმყოფოში ყოფნის პერიოდში, მიხვდა თუ რას გრძნობენ ის ადამიანები რომლებიც სიცოცხლის თვითმკვლელობით დასრულებას ცდილობენ. 

საკუთარი თავის პირველად დანახვის გახსენებისას იოანა ამბობს -  "არ მინდოდა ჩემი სახის დანახვა. ჩემი ხელების დანახვასაც ვერიდებოდი. სარკე მქონდა საავადმყოფოს საპირფარეშოში და ისე იყო დაფარული, რომ ჩემს თავს ვერ ვხედავდი. არჩევანი მქონდა, მაგრამ ვერ გავბედე. ერთ დღეს ექიმი მოვიდა მაკიაჟი გამიკეთა და პატარა სარკე მომცა, რამდენიმე წამით სუნთქვა შევიკავე და ვთქვი ΟΚ. " 

"ამ დროის განმავლობაში, დიდი თავდაჯერებულობა შევიძინე, ახლა სარკეში ჩემს თავს ვუყურებ და ვიღიმი. თავს ლამაზად ვგრძნობ. ვუყურებ ჩემს თავს და ვამბობ, რომ ლამაზი ვარ. ჩემთვის სილამაზე არ არის დაკავშირებული 100 % -ით გარეგნულ გამოსახულებასთან"- თქვა იოანამ.

ასევე საინტერესოა

🔵1 მაისიდან საბერძნეთში სამოგზაუროდ ევროკავშირის ციფრული COVID სერტიფიკატის მოთხოვნის ვალდებულება უქმდება

🔵საბერძნეთში, სუპერმარკეტიდან დაბრუნებულ ქალს სახლში მძარცველები დახვდნენ "ქამარი კისერზე მიაბეს და ფულს სთხოვდნენ"

🔵1 მაისიდან, საკონსულო მომსახურებისთვის დადგენილი მოსაკრებელი მცირდება - გაეცანით ახალ ტარიფებს