„ახალ ჩამოსულო ემიგრანტებო, ჩვენც მზად უნდა ვიყოთ!“ - ფიქრია კუჭუხიძე

იტალიის პროფკავშირების, საემიგრაციო საზოგადოება „ანოლფი“-ს (Anolf) ქართველი ოპერატორი, ფიქრია კუჭუხიძე, ემიგრანტებს მიმართავს და საჭირო რჩევას აძლევს.

„ყოველთვის ხდება მოულოდნელად რაღაც! ახალ ჩამოსულო ემიგრანტებო, ჩვენც უნდა ვიყოთ მზად! როგორც კი დავდგათ იტალიაში ფეხს, არ გეწყინოთ მაგრამ ვიტყვი, ნაცვლად ხუთშაბათის ბაზრობისა ვისწავლოთ გზა, როგორ გავერკვიოთ საემიგრაციო საკითხებში!

მნიშვნელოვან გზავნილებამდე, მათავრია გავერკვიოთ საემიგრაციო საკითხებში, იტალიის სახელმწიფო საემიგრაციო სტრუქტურებში. მოვიძიოთ გზამკვლევი, ინფორმაცია და თადარიგი დავიჭიროთ სამომავლო სიახლეებისთვის და ყველაზე უმნიშვნელოვანესია მზად ყოფნა სამუშაო პერმესოსათვის!

ინფორმაციის ნაკლებობის გამო, მომავალში ხელი რომ არ შეგეშალოთ, საჭიროა იცოდეთ: არ გადააგდოთ მგზავრობის დამადასტურებელი ბილეთები საქართველოდან იტალიაში! მუდამ იქონიეთ საკუთარი დაბადების მოწმობა, ნათარგმნი იტალიურად და აპოსტილი/ლეგალიზებული. არავინ არ იცის რაში დაგვჭირდება, „აზლში“ მივიდეთ და დავიმზადოთ „stp“ (დროებითი სამედიცინო დაზღვევა). ყოველივე ამისთვის კი გესაჭიროებათ  სტუმრობის დროებითი მისამართი და პირადი ექიმის სახელი და გვარი. ასევე, არ გადააგდოთ არასოდეს და იქონიეთ ფულადი გზავნილის ასლები, ტელეფონი ავიღოთ პირადი პასპორტით მუდამ და არა სხვისი სახელით. ეს ყოველივე დაგჭირდებათ იმისათვის რომ დავამტკიცოთ თუნდაც 2021 წლის დეკემბრის ბოლომდე რომ ხართ შემოსულები ქვეყნის ტერიტორიაზე. 

არავინ არ იცის რა სიახლეებით მობრძანდება 2022 წელს. წარმატებების ყოფილიყოს! რა ვიცით, ცხოვრება მოულოდნელობებითაა სავსე.“ - წერს ფიქრია კუჭუხიძე.

აგრეთვე დაგაინტერესებთ:

📌 ფიქრია კუჩუხიძე: „ჩემი ხმაურის მიღმა, სამარისებური სიჩუმეა და ამ სიჩუმის ფასი მხოლოდ მე ვიცი“

📌 „საქართველოში გამგზავრებამდე, აუცილებლად მოაწესრიგეთ ყველა დოკუმენტი“ - რა რჩევას აძლევს ფიქრია კუჭუხიძე ემიგრანტებს

📌 იტალიაში მყოფი ემიგრანტების საყურადღებოდ!

📌 ფულადი დახმარების მიღება, იტალიაში მყოფ ემიგრანტებსაც შეუძლია - რას ნიშნავს „Reddito di emergenza“