"ბადანტე" პატარა შვილის ოპერაციის მოტივით, მოხუცს ფულს სძალავდა

2017 წლიდან დღემდე, 84 წლის ტურინელ მოხუცს, საკუთარი „ბადანტე“ ნელ-ნელა ქურდავდა. საერთო ჯამში, ქალმა 200 000 ევრო მიითვისა. უცნაური გარემოება პირველად მოხუცის მეგობარმა შენიშნა და გამოძიება დაიწყო. მეგობარს დეტალურად გამოჰკითხა იმ თანხების შესახებ, რომლებსაც მომვლელი წლების მანძილზე „სესხულობდა“ მისგან. ფულის სესხების ძირითად მოტივად, „ბადანტე“ საკუთარი სამი წლის შვილის გული ოპერაციებს ასახელებდა. ქალმა ისარგებლა მოხუცის კეთილგანწყობით და ემპათიით და დროთა განმავლობაში უფრო და უფრო დიდი თანხების თხოვნა დაიწყო.

მოვლენები კიდევ  უფრო სახიფათოდ განვითარდა მას შემდეგ, რაც მომვლელი სამსახურიდან წავიდა. მოხუცთან გამოცხადდა ორი პიროვნება, რომლებმაც თავი ადვოკატებად გაასაღეს და მამაკაცს ყოფილი „ბადანტის“ მიერ წაღებული ფულის დაბრუნებაში დახმარება აღუთქვეს. თავისთავად, საქმის აღძვრაში დიდი თანხა მოითხოვეს. საბოლოოდ გაირკვა, რომ ისინიც თაღლითი მომვლელის თანამოაზრეები იყვნენ.

პოლიცია მოკვლევას აწარმოებს. მათ გაშიფრეს სქემა, რომლებსაც თაღლითები იყენებდნენ დიდძალი თანხების შეუმჩნევლად გადანაწილებისთვის იტალიურ, თუ უცხოურ ანგარიშებზე. ჩხრეკის შედეგად ამოღებულია რამდენიმე კომპიუტერი და მობილური ტელეფონები. პოლიცია აგრძელებს გამოძიებას იმის დასადგენად, თუ რამდენი ადამიანი გახდა თაღლითური დაჯგუფების მსხვერპლი.

წყარო: torinotoday.it