იტალიის საბავშვო ბაღებში რეგისტრაცია 4 იანვარს იწყება

იტალიაში საბავშვო ბაღებში აღსაზრდელთა რეგისტრაცია 2022-2023 წლისთვის 4 იანვარს დაიწყება. განაცხადების წარდგენის ვადა გაგრძელდება 2022 წლის 28 იანვრამდე.

სკოლამდელი აღზრდის დაწესებულებებში ჩარიცხვა ამჯერად ონლაინ სივრცეში არ მოხდება, სარეგისტრაციო ფორმის ჩამოტვირთვა და მისი შევსება ხელით ხდება აუცილებელი. განაცხადი შევსებული უნდა იყოს ქაღალდის ფორმატში.

2022-2023 წლის სააღმზრდელო წლისთვის მიიღებიან 3-დან 5 წლამდე ბავშვები. მათი ჩათვლით, რომლებსაც 5 წელი შეუსრულდებათ 2022 წლის 31 დეკემბრამდე. ასევე შესაძლებელია იმ აღსაზრდელების ჩარიცხვაც, რომლებიც მიაღწევენ 3 წელს 2023 წლის 30 აპრილამდე. ადგილების ხელმისაწვდომობის შემთხვევაშიც კი, საბაშვო ბაღში არ დაიშვებიან ბავშვები, რომლებსაც 3 წელი 2023 წლის 30 აპრილის შემდეგ შეუსრულდებათ.

თუ ჩარიცხვის განაცხადების რაოდენობა აღემატება საერთო ადგილების ოდენობას, უპირატესობა იმ განცხადებებს მიენიჭებათ, ვისაც 3 წელი შეუსრულდება 2022 წლის 31 დეკემბრამდე. მშობლების საყურადღებოდ, იტალიის განათლების სამინისტრომ უკვე გამოაქვეყნა საბავშვო ბაღებში აღსაზრდელების მისაღებად განაცხადის, რეგისტრაციის ფორმა, რომელიც უნდა ჩამოტვირთოთ და შეავსოთ.

ნონა გედენიძე

იტალია, რეჯო-ემილია