მილანში უკრაინელი ლტოლვილებისთვის გაიხსნა ცენტრი, სადაც მათ მოსამზადებელ კურსებს გაატარებენ და სამსახურის მოძებნაში დაეხმარებიან

მილანში უკრაინელი ლტოლვილების დასახმარებლად სპეციალური ცენტრი გაიხსნა, რომელიც მათ სამსახურის მოძებნაში დაეხმარება.

წამოწყება მილანის მერიას და afol metropolitana-ს ეკუთვნის.

Afolmet-ი სპეციალური სამსახურია, რომელიც უშუალოდ დევნილთა საკითხებზე მუშაობს და მათ ქვეყანაში ინტეგრაციას უწყობს ხელს.

პროექტი მილანის პრეფექტურასთან თანამშრომლობით ხორციელდება, რაშიც აქტიურ მონაწილეობას იღებს ქალაქის მუნიციპალიტეტიც.

მილანის მმართველობა სრულ მზადყოფნას გამოთქვამს, ნებისმიერ იმ პროექტში ჩართვაზე, რომელიც უკრაინელი დევნილების დახმარებას ეხება.

კამპანია სახელწოდებით Refugee Job Hub-ი დევნილებს, პროექტის ფარგლებში, მთელ რიგ სხვადასხვა სახის მომსახურებას სთავაზობს. ესენია: დასაქმება, განათლება, გადამზადება თუ ინტეგრაციასთან დაკავშირებული  სხვა  მნიშვნელოვან საკითხებში დახმარება.

მცირეწლოვანთა დედებს, რომლებსაც მოსამზადებელი კურსების გავლა სურთ, პატარას მოსავლელად, სწავლის მიმდინარეობის პროცესში ძიძით უზრუნველყოფს.

10-15 წლის მოზარდებს სპეციალურ საგანმანათლებლო პროცესში ჩართვის საშუალებას აძლევს.

უკვე სრულწლოვან ახალგაზრდებს კი საჭირო განათლების მიღებასა და პროფესიული კურსების გავლაში დაეხმარება.

ცენტრი სბროცის 11 ნომერში მდებარეობს. მათთან დაკავშირება შესაძლებელია ყოველ ხუთშაბათს 9-13 საათამდე ნომერზე 0277406824, ასევე ელექტრონული ფოსტის მეშვეობით s.franceschini@afolmet.it

ანუკა ღონღაძე სპეციალურად ExclusiveTV-თვის მილანიდან