ორი ქართველი ახალგაზრდა ინოვატორი, სამეცნიერო-ტექნიკური კვლევების სფეროში სწავლას ნეაპოლში გააგრძელებს

ორი ახალგაზრდა ქართველი ნოვატორი, სამეცნიერო-ტექნიკური კვლევების სფეროში სწავლას, ნეაპოლში გააგრძელებს. - ამის შესახებ ინფორმაციას იტალიის საელჩო საქართველოში ავრცელებს.

კონკურსში "STEM Study Visit” გამარჯვებული, ორი ახალგაზრდა ქართველი ნოვატორის ირინა ცაგარეიშვილსა და ცოტნე ყალიჩავას სასწავლო ვიზიტი, ნეაპოლის ფედერიკო II-ის სახელობის უნივერსიტეტის ტექნოპარკის ცენტრში გაგრძელდება.

გამარჯვებულები, იტალიის ელჩმა ენრიკო ვალვომ და საქართველოს ეკონომიკისა და მდგრადი განვითარების მინისტრის მოადგილემ ირაკლი ნადარეიშვილმა დააჯილდოვეს.

ინიციატივის მიზანია სამეცნიერო-ტექნიკური კვლევების სფეროში, ორი ახალგაზრდა ქართველი ინოვატორის გამოცდილების გამდიდრება და ტექნოლოგიების დარგში იტალიასა და საქართველოს შორის თანამშრომლობის გაძლიერება.

წარდგენის ღონისძიება, რომელიც ქალაქ ნეაპოლში გაიმართა, სხვებთან ერთად, იტალიის ტექნოლოგიური ინოვაციების ასოციაციის (COTEC) პრეზიდენტი, პროფესორი ლუიჯი ნიკოლაისი  და ქართველი ინოვატორების მასპინძელი დაწესებულების, კამპანიის რეგიონის ინოვაციების ჰაბი „SPICI“-ის პრეზიდენტი ვინჩენცო ლიპარდი მონაწილეობდა.

ღონისძიებაში დისტანციურად ჩაერთვნენ საქართველოს ინოვაციებისა და ტექნოლოგიების სააგენტოს (GITA) თავმჯდომარე, ავთანდილ კასრაძე და იტალიის ელჩი ენრიკო ვალვო.

სხვა სიახლეები:

📌 სერჯო მატარელა 80 წლის ასაკში იტალიის პრეზიდენტი მეორე ვადით გახდა

📌 იტალიაში 10 თებერვლიდან ღია სივრცეში ნიღბის ტარება სავალდებულო აღარ იქნება - სხვა სიახლეები

📌 სად დაგჭირდებათ Green Pass-ი 1 თებერვლიდან - იტალია