პირველი ქართველი დიპლომირებული და მოქმედი სომელიე იტალიაში

თამარ ჭიჭიბოშვილი პირველი ქართველი დიპლომირებული და მოქმედი სომელიეა იტალიაში. ის ამ პროფესიას სამი წელი პროფესიონალურად ეუფლებოდა "Associazione romana sommelier"- ში და ამის პარალელურად, პატარა მარნების, ქვევრის ღვინის პოპულარიზაციას ეწევა იტალიაში, როგორც ერთ-ერთი კომპანიის ოფიციალური წარმომადგენელი. თამარს სულ ახლახან გადაეცა დიპლომი და შთაბეჭდილებები, თავის გულშემატკივრებსაც გაუზიარა:

"არ გამოვირჩევი ისეთი პოსტებით რომელიც მე მეხება და იშვიათად თუ დავწერ ხოლმე მიღწეულ წარმატებებზე

მაგრამ ეს ის მომენტია აუცილებლად უნდა დავწერო და მადლობა გადაუხადო რომის სომელიეთა ასოციაციას პრეზიდენტს  ანტონელო მოსკაჩი, დირექტორს რენატო პროკაჩი და ჩემს უსაყვარლეს კოლეგებს!

გუშინ ჩვენი ასოციაცია 30 წლის გახდა!
საიუბილეო საღამოს ბოლოს გადმოგვეცა ასოციაციის დიპლომი და ჯილდო, მათ შორის მეც მერგო წილად ეს წარმატება და სიხარული! 

2019 წლიდან ვეუფლები პროფესიას რომელიც არც თუ ისე პატარა  ასაკში აღმოვაჩინე რომ ჩემია, ყოველდღიურად ვიზრდებოდი ამ წლების განმავლობაში და ყოველდღიურად ვგრძნობდი მხარდაჭერას ქართველი, თუ იტალიელი მეგობრებისგან!

არ დაგავიწყდეთ ასოციაციაში ერთადერთი უცხოელი ვარ ისიც საქართველოდან! და ქართული ღვინის ელჩს მეძახიან და ქვევრის გოგოს.კურსზეც ერთადერთი ვიყავი ქართველი და ყოველთვის ვგრძნობდი დაფასებას და სიყვარულს!ჩემს მიმართ? არამარტო, ჩვენი ტრადიციის მიმართ, ჩვეული უნიკალური ღვინის მიმართ და ჩემი პატარა საქართველოს მიმართ," - გვიზიარებს ემოციებს თამარ ჭიჭიბოშვილი.