ქალაქ ბარიში არსებულ საკვირაო სკოლა „იმედი“-ს აღსაზრდელებს სპეციალურად მათთვის შემუშავებული სახელმძღვანელოები გადაეცათ

გუშინ, 19 ოქტომბერს ქალაქ ბარიში არსებული ქართულ-იტალიურ ასოციაცია „იმედიი“-ს აღსაზრდელებს, სპეციალურად მათთვის, სახელმწიფოს მიერ შემუშავებული სახელმძღვანელოები გადასცა.

საკვირაო სკოლის მოსწავლეებს წიგნები, ქალაქ ბარიში საქართველოს გენერალური საკონსულოს მოწვევით, საქართველოს ელჩმა იტალიაში კონსტანტინე სურგულაძემ გადასცა.

შეხვედრაზე, ელჩმა დიასპორის წინაშე მდგარ პრობლემებზე და მათი აღმოფხვრის გზებსა და შესაძლებლობებზე ისაუბრა. ასევე, ყურადღება გაამახვილა ქართული საკვირაო სკოლების მნიშვნელობაზე ეროვნული და კულტურული თვითშეგნების შენარჩუნების საქმეში.

საქართველოს ელჩმა, კონსტანტინე სურგულაძემ და ქალაქ ბარიში საქართველოს გენერალურმა კონსულმა, ბატონმა ვახტანგ ანდღულაძემ მადლობა გადაუხადეს „იმედი“-ს დამაარსებელს, ცინარი ღვალაძეს და ასევე, აღნიშნულ პროცესში ჩართულ ყველა თანამემამულეს მათი ძალისხმევისა და საკვირაო სკოლის დაფუძნებაში შეტანილი წვლილისათვის.

ღონისძიების ფარგლებში, ქართველმა დიპლომატებმა ისაუბრეს ქართული ენისა და კულტურული მემკვიდრეობის საზღვარგარეთ პოპულარიზაციის აუცილებლობასა და მსოფლიოს სხვადასხვა ქვეყნებში დაფუძნებული ქართული საკვირაო სკოლების მომავალში თანამშრომლობისა და დაძმობილების შესაძლებლობაზე.