რა გამოცდილება მიიღო იტალიამ პანდემიის შემდეგ

იტალია რომ მსოფლიოს ერთ-ერთი წამყვანი ქვეყანაა და ყოველწლიურად ტურისტების უდიდეს რაოდენობას  მასპინძლობს, ეს არავისთვის არ არის გასაკვირი ამბავი, თუმცა, მსოფლიოში არსებულმა ეპიდემიოლოგიურმა მდგომარეობამ იტალიაშიც შეცვალა ცხოვრების სტილი და რიტმი.

კოვიდ19-მა მსოფლიოში შეცვალა როგორც ცხოვრების სტილი, ასევე, სამუშაო რეჟიმი და კლიმატიც კი. შეიცვალა ყველაფერი, ყოველდღიურობა. საბოლოო ჯამში კი ადამიანთა  ურთიერთობის ტრანსფორმაციამდე მივიდა, Covid-19-მა შეცვალა ჩვენი სამყარო.

მიუხედავად იმისა, რომ კორონავირუსს არ მოუხდენია ისეთი კატასტროფული გავლენა მსოფლიო ჯანმრთელობაზე, როგორიც ,,შავმა ჭირმა’’ მოახდინა, მან მაინც შეძლო სამყაროს შეცვლა.

საერთაშორისო დონეზე ჩაკეტვა და სამოქალაქო და კომერციული საქმიანობის შეჩერება აისახა იტალიის ეკონომიკური, სოციალური და პოლიტიკური სისტემების ფუნქციონირებაზე და იტალიას აიძულა გლობალური დისკურსის დაწყება იმის შესახებ, თუ როგორ უნდა შეიცვალოს ისინი. 

რაც შეეხება ყოველდღიური ცხოვრების სტილს, სავარაუდოა, რომ ყველა ჩვენგანმა განიცადა ე.წ. ,,ლოკდაუნი’’, ის იყო როგორც ერთგვარი  შოკი ჩვენი ცხოვრების წესისთვის, რადგან ის გვაგრძნობინებდა მარტოობას ან მოწყენილობას, ან შფოთვას ან ოჯახის წევრების მუდმივ ყურადღების გაფანტვას მთელი საათის განმავლობაში. როგორც ინდივიდებს, ჩვენ მოგვიწია ცვლილებების შეტანა ჩვენს ყოველდღიურ ცხოვრებაში.

მეორეს მხრივ, ინტერნეტმა და სოციალურმა მედიამ მოგვცა საშუალება, თუნდაც ფიზიკურად შორს მყოფ ადამიანებთან დაკავშირების. ამ თვალსაზრისით, ბევრისთვის სოციალური ურთიერთობები არ დაზარალდა. ასევე, ჩაკეტვამ  საშუალება მოგვცა შეგვესწავლა ჰობი და ინტერესები, რომლებიც შესაძლოა, აქამდე არასდროს გვქონია. მიუხედავად იმისა, რომ კრიზისები ძალიან დამღუპველი და მტკივნეულია, ისინი  ხელს უწყობს დიდი საერთო მიზნების, სოლიდარობის, კრეატიულობისა და სიახლის ექსპერიმენტების გაჩენას. 

მარტივი სამომხმარებლო პროდუქტების პოვნის სირთულემ, ან მაღაზიებში საყიდლებზე სიარულის უუნარობამ, ან შესაძლოა უბრალოდ იმ ფაქტმა, რომ ბევრ ჩვენგანს მეტი დრო ჰქონდა, გამოუმუშავდა კრეატიულობის და სხვა უნარები, რომლებიც მეტწილად ონლაინ იყო გაზიარებული.

მშობლები ჩართულნი იყვნენ ხელოვნებასა ან შემოქმედებით პროექტებში. უამრავმა ადამიანმა ხელახლა აღმოაჩინა ისეთი აქტივობები და ჩვევები, რომლებიც დაიკარგა დაძაბული თანამედროვე ცხოვრების გამო. მაგალითად, სხვადასხვა ნივთების შექმნა ექსკლუზიურად საკუთარი თავისთვის და იმის გაცნობიერება, თუ რამდენად ღრმად შეიძლება იყოს ეს დამაკმაყოფილებელი და სრულფასოვანი.

რაც შეეხება დისტანციური სამუშაოს  გრძელვადიან პერსპექტივაში დანახვას, იტალიელების აზრით,  ეს არის უფრო დინამიკური მიდგომა სამუშაოზე, რომელიც აერთიანებს საოფისე საათებს, რომელიც  საჭიროა  ჯგუფური შეხვედრებისთვის, მაგალითად, დისტანციური მუშაობის აქტივობებისთვის, რომლებიც შეიძლება განხორციელდეს ინდივიდუალურად.

ბევრმა კომპანიამ შეიძლება გადაწყვიტოს მთლიანად უარი თქვას ოფისის გაქირავების ხარჯებზე და მისცეს ყველა თანამშრომელს დისტანციურად მუშაობის უფლება წელიწადში რამდენჯერმე შეხვედრის გზით. დასაქმებული პირები აღარ იქნებიან ვალდებულნი იცხოვრონ სამუშაო ადგილთან ახლოს, მაგრამ ექნებათ შესაძლებლობა აირჩიონ სახლი, რომელიც საუკეთესოდ შეესაბამება მათ საჭიროებებსა და სურვილებს, თუმცა, რამდენად სწორია და მისაღები ეს ყველაფერი, ეს უკვე მეორე საკითხია.

ჯანდაცვის კრიზისისა და კორონავირუსის პანდემიით გამოწვეული ეკონომიკური სირთულეების მიღმა დგას კიდევ უფრო დიდი გლობალური კრიზისი: კლიმატის ცვლილება. ქალაქის ბევრმა მცხოვრებმა შეამჩნია გაუმჯობესება მათ ურბანულ გარემოში - უფრო სუფთა, უფრო სურნელოვანი ჰაერი, უფრო მშვიდი, უსაფრთხო ქუჩები და უფრო საინტერესო ველური ბუნებით - ეს ყველაფერი გვაფიქრებს იმაზე, თუ როგორ შეიძლება გამოიყურებოდეს უფრო მდგრადი გარემო.

სატელიტურმა კვლევებმა გამოავლინა ატმოსფერული აზოტის დიოქსიდის დონის შემცირება (წიაღისეული საწვავის წვის შედეგად გამოთავისუფლებული ჰაერის ძირითადი დამაბინძურებელი) ქალაქებსა და სამრეწველო ცენტრებში ევროპისა და აზიის მასშტაბით, საგზაო მოძრაობის არსებითი შემცირებისა და მოძრაობის შემცირების გამო. სამრეწველო დაბინძურება (ზოგიერთ რეგიონში 30-40% 2019 წლის ანალოგიურ პერიოდთან შედარებით). საგრძნობლად შემცირდა, ასევე შემცირდა ჰაერში ჭვარტლის ნაწილაკების დონეც, რომლებიც აზოტის დიოქსიდის მსგავსად იწვევს რესპირატორულ დაავადებებს.

კორონავირუსის პანდემიის შედეგებმა უამრავ ცვლილება მოიტანა, როგორც ინდივიდის, ისე მთლიანად საზოგადოების ქცევის დონეზე, მაგრამ ამ ცვლილებებიდან რომელს ექნება ხანგრძლივი გავლენა და რომელი არ გაგრძელდება ამ კითხვაზე პასუხის გასაცემად დრო არის საჭირო. 

სტატია წყაროზე დაყრდნობით მოამზადა ანა სერგიამ