სამედიცინო სერვისები - თუ იტალიაში ლეგალურად ცხოვრობთ, ეს აუცილებლად უნდა გაითვალისწინოთ

იტალიაში ლეგალურად მცხოვრები ევროკავშირის არაწევრი ქვეყნების მოქალაქეები, ვალდებულები არიან დარეგისტრირდნენ ჯანდაცვის ეროვნულ სისტემაში (SSN), რაც მათ მისცემს საშუალებას ისარგებლონ იგივე უფლებებითა და მოვალეობებით, რაც განსაზღვრულია იტალიის მოქალაქეებისთვის, ჯანდაცვის სამსახურის მიერ შეთავაზებული სერვისების საფასურის გადახდის მხრივ.

ვაქვეყნებთ იტალიის ჯანდაცვის სამინისტროს მიერ შემუშავებულ დოკუმენტაციას, რომელიც ბინადრობის ნებართვის მქონე იმ უცხოელ მოქალაქეებს შეეხებათ, ვინც არ არიან ევროკავშირის წევრი ქვეყნებიდან და სურთ იტალიის ჯანდაცვის სამსახურში რეგისტრაციის გავლა.

1. მაქვს ბინადრობის ნებართვა სამუშაო მოტივით, სუბორდინაციული ან სეზონური (Subordinato, Stagionale), რა დოკუმენტები უნდა წარვადგინო ჯანდაცვის ეროვნულ სამსახურში, SSN-ში დასარეგისტრირებლად?
- უნდა წარმოადგინოთ:
●ბინადრობის დამადასტურებელი დოკუმენტი ან ქვითარი, რომელიც ადასტურებს განაცხადის შეტანას ბინადრობის ნებართვის ან მისი განახლების მოთხოვნით.
● პირადობის მოწმობა
●ფისკალური კოდი; ●საცხოვრებელი ადგილის ცნობა(პირადი განცხადება) ან განცხადება ფაქტობრივი საცხოვრებლის შესახებ.
გახსოვდეთ, რომ რეგისტრაციის ხანგრძლივობა დამოკიდებულია ბინადრობის ნებართვის ვადაზე.

2. რეგისტრირებული ვარ ოფიციალურად როგორც უმუშევარი. მაქვს ბინადრობის ნებართვის დოკუმენტი, ვარ დასაქმების მოლოდინში. მაქვს თუ არა უფლება SSN-ში, ჯანდაცვის სამსახურში დავრეგისტრირდე?
-დიახ, თქვენ უნდა წარუდგინოთ ASL-ს შემდეგი დოკუმენტები:
●ბინადრობის ნებართვა ან მოთხოვნაზე განაცხადის ქვითარი.
●პირადობის მოწმობა 
●საცხოვრებელი ადგილის ცნობა(პირადი განცხადება) ან განცხადება ფაქტობრივი საცხოვრებლის შესახებ.
●უმუშევრობის დამადასტურებელი დოკუმენტი.

3. მაქვს ბინადრობის ნებართვა ოჯახური მოტივით. რა დოკუმენტები უნდა წარვადგინო SSN-ში, ჯანდაცვის სამსახურში დასარეგისტრირებლად?
-უნდა წარადგინოთ:
●ბინადრობის დამადასტურებელი დოკუმენტი ან ქვითარი, რომელიც ადასტურებს განაცხადის შეტანას ბინადრობის ნებართვის ან მისი განახლების მოთხოვნით.
●პირადობის მოწმობა
●ფისკალური კოდი
●საცხოვრებელი ადგილის ცნობა(პირადი განცხადება) ან განცხადება ფაქტობრივი საცხოვრებლის შესახებ.

4. ველოდები პირველად ბინადრობის ნებართვის გაცემას ოჯახის გაერთიანების მოტივით. რა დოკუმენტები უნდა წარვადგინო SSN-ში, ჯანდაცვის სამსახურში დასარეგისტრიტებლად?
- უნდა წარადგინოთ:
●ბინადრობის ნებართვის განაცხადის წარდგენის დამადასტურებელი ქვითარი.
●პრეფექტურის ერთიანი ოფისის მიერ გაცემული ავტორიზაციის ასლი.
●პირადობის მოწმობა 
●ფისკალური კოდი
●საცხოვრებელი ადგილის ცნობა(პირადი განცხადება) ან განცხადება ფაქტობრივი საცხოვრებლის შესახებ.

5. ვცხოვრობ ლეგალურად იტალიაში და ვარ თვითდასაქმებული. რა დოკუმენტები უნდა წარვადგინო ჯანდაცვის სამსახურში დასარეგისტრირებლად?
-უნდა წარადგინოთ:
●ბინადრობის დამადასტურებელი დოკუმენტი ან ქვითარი, რომელიც ადასტურებს განაცხადის შეტანას ბინადრობის ნებართვის ან მისი განახლების მოთხოვნით.
●პირადობის მოწმობა
●დღგ-ს ნომერი და INPS-იდან ამონაწერი.
●ფისკალური კოდი
●საცხოვრებელი ადგილის ცნობა(პირადი განცხადება) ან განცხადება ფაქტობრივი საცხოვრებლის შესახებ.

ნონა გედენიძე სპეციალურად ExclusiveTV-თვის ემილია-რომანიადან