„ვფიქრობ, ჯიპზე მე არ ვზივარ, ასე რამ შეაძულათ სასულიერო პირები-თქო“ - რომის სამრევლოს წინამძღვარი იოანე ხელაია

რომის სამრევლოს წინამძღვარი იოანე ხელაია, რომელიც საქართველოში ბოლო 4 წელია არ ყოფილა, სამშობლოში დაბრუნდა. საქართველოში დაბრუნებული მამაო, სოციალურ ქსელ „ფეისბუკში“ საინტერესო პოსტს აქვეყნებს, რომელსაც მკითხველს უცვლელად ვთავზობთ. 

„4 წელზე მეტია თბილისში არ ვყოფილვარ. ყოველ ჩამოსვლაზე, ჩემი მეგობარი პატიკოს მოკრძალებული პატარა კომპაქტური ავტომობილით ვმოძრაობ, ვცდილობ არ გავაღიზიანო და აგრესია არ გამოვიწვიო, მამაოებზე აცრილ საზოგადოებაში. ამდენი წლის მერე მონატრებულმა, პატიკოს მანქანით გადავწყვიტე, ჩემს საყვარელ ქალაქში გასეირნება.

პირველივე დღეს ფალიაშვილის ქუჩაზე მივსეირნობ და ვგრძნობ დიდ აგრესიას, ხელების ქნევას და ლანძღვას, თავის სიგნალებით, გულში ვფიქრობ მაგარ ჯიპზე მე არ ვზივარ, ასე რამ შეაძულათ სასულიერო პირები-თქო. უცებ ერთი ახალგაზრდა გამოენთო, თავისი მანქანის კარები გააღო, გადამიდგა წინ და მლანძღავს. თავი გავყავი მოკრძალებულად, ჩემო მეგობარო რა დაგიშავე ასეთი, რამ შეგაძულათ ასე საეკლესიო პირები-თქო. მიხვდა რომ მამაო ვიყავი. არა მამაო, სულაც არ მძულს სასულიერო პირებიო, უბრალოდ მთელი გზაა საწინააღმდეგო მიმართულებით მოძრაობთ, ძალიან მშვიდი სახითო. მოვუბოდიშე და ავუხსენი, რომ 4 წელზე მეტია არ ვყოფილვარ საქართველოში. მოკლედ, პატრულმა გამაჩერა 3-ჯერ, პატიკოს მოუვიდა 7 ჯარიმა და გადავწყვიტე ავტომობილის გარდა, სხვა და სხვა ტრანსპორტით მემოძრავა.

p.s ისე იტალიაში 11 წლის მანძილზე სულ ვარ სამჯერ ან ოთხჯერ დაჯარიმებული.“

აგრეთვე დაგაინტერესებთ:

🔴 მამა იოანე: „წამლის სითხეში ვეძებთ ჩასახლებულ ეშმაკს, არადა ის ჩვენშია, ჩვენს ქმედებებში“