დღეს ყოვლაწმინდა ღვთისმშობლის ხატის"უჭკნობი ყვავილის" დღესასწაულია - რომელი ლოცვა უნდა წაიკითხოთ?

16 აპრილს ყოვლაწმინდა ღვთისმშობლის ხატის "უჭკნობი ყვავილის" დღესასწაულია.

როგორც ცნობილია, აღნიშნულ ხატს ევედრებიან წმინდა და მართალი ცხოვრების დაცვისათვის.

ამასთან, ის ეხმარება საქმროს, ან საცოლის შერჩევისას. ამ ხატის წინაშე წმინდა და მხურვალე ლოცვა ოჯახური პრობლემების მოგვარებაშიც შეეწევა. მრავალგზის სნეულებათაგან კურნებას აღასრულებს.

ამ ხატზე ღვთისმშობელი ყრმასთან ერთად არის გამოსახული, ხელში მას ყვავილი უპყრია. 

ტროპარი

გიხაროდენ, ღვთისა სძალო, კუერთხო საიდუმლოო, ყვავილო დაუჭნობელად აღყუავილებულო. გიხაროდენ დედუფალო, რომლისა მიერ სიხარულით აღვივსენით და ცხოვრებაი მოგვიღებიეს.

ლოცვა

"ჰოი, ყოვლადწმიდაო დედუფალო და უხრწნელო დედაო ქალწულო, ქრისტიანეთა სასოო და ცოდვილთა ნავსაყუდელო, ყოველნი მოლტვილნი შენდა დაიცევ და შეისმინე გოდებაი ჩვენი, მოჰყავ ყური შენი ლოცვასა ჩვენსა, დედუფალო და დედაო ღუთისა ჩვენისაო, შენდა შეწევნისა მვედრებელთა ნუ უგულებელს-ჰყოფ. განმსწავლენ და განმანათლენ ჩუენ: ნუ გარემიიქცევ პირსა შენსა მონათა შენთაგან – ამაოთა ამათ დრტვინვათა ჩვენთათვის. მეყავ ჩვენ დედა და მფარველ, რომელნი მოწყალესა საფარველსა შენსა ქუეშე შთავრდომილ ვართ, უშფოთველსა და უვნებელსა ცხოვრებასა მიმამთხვიენ ცოდვილნი ესე. ჰოი, დედაო მარიამ, უფროსადკურთხეულო მსწრაფლშემწეო, შუამდგომლობითა შენითა დამიფარენ, ხილულთა და უხილავ მტერთაგან დამიცევ, ბოროტთა კაცთა სიბორგილეი გულისა მოამდოვრე, რომელნი აღდგომილ არიან ჩვენ ზედა. ჰოი, დედაო უფლისა შემოქმედისა ჩვენისაო, შენ ხარ ძირი ქალწულებისა და ყვავილი დაუჭნობელი უმანკოებისა და სიწმინდისა. გარდამომივლინე შეწევნაი შენი, რომელნი უძლურებათა და ხორციელთა ვნებათა შინა შთავრდომილ ვართ – არაწმიდებითა გულისათა. განანათლენ თუალნი სულისა ჩვენისანი, რაითა ვიქმნეთ მხილველ გზისა მის სიმართლისა ღვთისასა. უძლური ნებაი ჩუენი განამტკიცენ აღსრულებითა მცნებათა, რაითა ვიხსნეთ ჩვენ ყოვლისა განსაცდელისა და ზედამოსვლისაგან და შენითა შუამდგომლობითა განვმართლდეთ წინაშე სამშჯავროსა ძისა შენისასა, რომლისა მიმართ აღვავლენთ დიდებასა, პატივსა და თაყუანის-ცემასა, აწ და მარადის და უკუნითი უკუნისამდე, ამინ".

ასევე საინტერესოა:

🔵 უკრაინაში ქართველი მებრძოლი დაიღუპა

🔵 9 და 11 წლის ბავშვებმა რუსთავში მანქანა მოიპარეს და ორ ავტომობილს შეეჯახნენ

🔵 ირაკლი ღარიბაშვილი: მიწის სისტემური რეგისტრაცია არის სრულიად უფასო, მიწის პირველადი რეგისტრაცია 2024 წლის ბოლოსთვის დასრულდება და გვექნება ქვეყნის ერთიანი, ზუსტი, კადასტრული და სამართლებრივი რუკა