კომაროველი ნიკა ცქიტიშვილი ნიუ-იორკის უნივერსიტეტში 330 000 დოლარიანი დაფინანსებით ჩაირიცხა

სკოლა-პანსიონი “კომაროვი” კიდევ ერთი წარმატებული და წარჩინებული კურსდამთავრებულის შესახებ სოციალურ ქსელში ინფორმაციას აქვეყნებს:

“ნიკა ცქიტიშვილი ნიუ იორკის უნივერსიტეტის აბუ-დაბის კამპუსში (NYUAD) ჩაირიცხა სრული 330 000 $-იანი დაფინანსებით ასტროფიზიკის ფაკულტეტზე !

New York University (NYU) გამოირჩევა საერთაშორისო განათლების მაღალი ხარისხითა და გამოცდილებით.

NYU-ს აქვს სამი ძირითადი კამპუსი ნიუ იორკში, აბუ- დაბისა და შანხაიში.

ასევე, მცირე გაცვლითი კამპუსები ყველა კონტინენტზე.

აბუ დაბის კამპუსში 120-ზე მეტი განსხვავებული ეროვნების სტუდენტი სწავლობს. სტუდენტებს ასევე ეძლევათ საშუალება ორი სემესტრი უნივერსიტეტის სხვა კამპუსებში გაატარონ.
 
ნიკა კომაროვის სკოლის 2020 წლის ოქროს მედალოსანი კურსდამთავრებულია.

ნიკა არის:

საქართველოს ასტრონომიის კლუბის (GAC) ერთ-ერთი ადმინისტრატორი. ასტრონომიით დაინტერესებული ადამიანებისთვის ნიკა და მისი გუნდი აწყობენ ასტრონომიის საღამოებს, დამსწრეებს საშუალებას აძლევენ ტელესკოპებიT დააკვირდნენ ციურ სხეულებს , პასუხობენ მათთვის საინტერესო კითხვებს და უზიარებენ ცოდნას.

პანდემიის დაწყების შემდეგ კი ნიკა,სხვა მოწვეული სტუმრებთან ერთად ონლაინ ფორმატში პოპულარულ ლექციებს ატარებს. ასევე, აქვთ Facebook ჯგუფი “ასტრონომიის მოყვარულთათვის”, რომელიც აერთიანებს 32 000-ზე მეტ დაინტერესებულ ადამიანს.
 
საქართველოში პირველი ასტრონომიის ფესტივალი “Astrofest-2020”-ის ორგანიზატორი.

აღნიშნული ფესტივალი შოთა რუსთაველის ეროვნული სამეცნიერო ფონდის საგრანტო კონკურსში ნიკას გუნდის გამარჯვების შედეგად ჩატარდა.

ფესტივალის ფარგლებში ასტრონომიული საღამოები ჩატარდა თბილისში, ბათუმში, ქუთაისში, გორში, თელავსა და ოზურგეთში. კომპანია პლანეტარიუმთან ერთად კი კავკასიაში პირველი ონლაინ ასტრო-ფოტოკონკურსი ჩაატარეს.

2018 წლის ბაქსვუდის სამეცნიერო ბანაკის ფარგლებში 5 საუკეთესო მოსწავლეს შორის მოხვდა და შვეიცარიაში არსებულ წამყვან კვლევით ლაბორატორია CERN-ს ესტუმრა.
 
2021 წელს ახალგაზრდა ნატურალისტთა საერთაშორისო ტურნირის (IYNT) ჟიურის წევრი, ხოლო ახალგაზრდა ფიზიკოსთა საერთაშორისო ტურნირზე ერთ-ერთი გიდი და მოხალისე იყო.
 
2018-2019 წლებში ასტრონომიისა და ასტროფიზიკის საერთაშორისო ოლიმპიადაზე (IOAA) საქართველოს ნაკრების წევრი.
 
2017-2019 წლებში მოხალისეობრივად იყო სოციალური უნარებისა და მათემატიკის მასწავლებელი სოციალურად დაუცველი ბავშვებისთვის ფონდი “მომავლის გზის” მიერ მოწყობილ საბავშვო ცენტრში.
 
კოსმოსის გარდა ნიკას ცხოვრებაში მნიშვნელოვანი ადგილი ეკუთვნის სპორტს. თავისუფალ დროს ჩოგბურთის თამაშს უთმობს.

კომაროვის სკოლა წარმატებებს უსურვებს ნიკას!", - აღნიშნულია ინფორმაციაში.

სხვა სიახლეები:

🔴 კომაროვის სკოლის კურსდამთავრებული, თიკა ქოქოშვილი სასწავლო პროგრამით “Meta”-ს ოფისს შეუერთდება

🔴 კომაროველი ლაშა შამუგია პრინსტონის უნივერსიტეტში მექანიკურ და აეროკოსმოსურ ინჟინერიას დაეუფლება