ქუთაისში გადაარჩინეს კაცი, რომელსაც გული ხუთჯერ გაუჩერდა

„კლინიკა ბომონდი“-ს კარდიოლოგიური დეპარტამენტის გუნდმა მამაკაცის სიცოცხლე გადაარჩინა, რომელსაც გული ხუთჯერ გაუჩერდა.

ინფორმაციას ამის შესახებ, თავად კლინიკის ადმინისტრაცია ავრცელებს.

"57 წლის მამაკაცმა კლინიკას დახმარებისთვის 2 ივნისს, ღამის საათებში მიმართა.

კლინიკაში შემოსვლის მომენტში პაციენტს გულ-მკერდის არეში მოჭერითი ხასიათის ტკივილი აღენიშნებოდა.

პაციენტს შემოსვლისთანავე დაუდასტურდა მიოკარდიუმის მწვავე ინფარქტი.

ზოგადი მდგომარეობა იყო მძიმე, აღენიშნებოდა არასტაბილური ჰემოდინამიკა.

სასწრაფოდ იქნა მიღებული ოპერატიული ღონისძიებები, პაციენტი მოთავსდა ანგიოკათეტერიზაციის ლაბორატორიაში, ჩაუტარდა კორონაროგრაფია ერთი სტენტის იმპლანტაციით.

განხორციელდა დეფიბრილაციის 5 ეპიზოდი, რაც წარმატებით დასრულდა.

ამ ეტაპზე პაციენტის ჯანმრთელობის მდგომარეობა დამაკმაყოფილებელია", - აცხადებს კარდიოლოგიური დეპარტამენტის ხელმძღვანელი ხათუნა გრძელიძე.

მძიმე მდგომარეობაში მყოფი პაციენტის სიცოცხლის გადარჩენაში ინტერვენციონისტი გიორგი შაკინოვი და კარდიოლოგი ხათუნა გრძელიძე მონაწილეობდნენ", - აღნიშნულია კლინიკა "ბომონდის" მიერ გავრცელებულ ინფორმაციაში.

ასევე დაგაინტერესებთ:

* "გადასხმები უკეთდება, ოდნავ მოფერიანდა კიდეც" - გიული ალასანია სააკაშვილზე

* "დაწყნარდით, ამას ვამბობ პირველივე დღიდან" - რა ინფორმაციას აქვეყნებს გიორგი ფხაკაძე