ევროპული საქართველო არაფერ შუაშია კონცერტის ორგანიზებასთან საერთოდ - საერთოდ! - თამარ ჩერგოლეიშვილი

თამარ ჩერგოლეიშვილი წერს, რომ გუშინდელ აქციას საზოგადოების კრიტიკა მოყვა, რასაც ის სოციალურ ქსელში ეხმაურება.

„გუშინდელ აქციას კრიტიკა მოყვა და უნდა გამოვეხმაურო.

ჩვენი როლი მინდა დავაზუსტო.

1. ევროპული საქართველო არიგებს სიმბოლიკას. გვინდა რომ რაც შეიძლება მეტ ადამიანს ჰქონდეს მხარდაჭერის ვიზუალური დემონსტრირების საშუალება - თვალი სვამს და ჭამს.

2. ევროპული საქართველო თვლის რომ უკრაინელი ხალხის სოლიდარობა არ უნდა გადაიქცეს პარტიებს შორის მიკროფონზე უთანხმოების საგნად  და მათი პარტიული დღის წესრიგის თემად - ამიტომ უარს ამბობს ყველანაირ ჯღავილზე მიკროფონში და ჩვენს ამომრჩეველს და მხარდამჭერებს, ვისაც ესემესებს ვუგზავნით და აქციაზე ვეპატიჟებით, ვასმენინებთ:

ზელენსკის, ჩერჩილს, იოანე პავლე მეორეს, მერაბ კოსტავას, რეიგანს, ტეტჩერს.....  ხარისხიან შინაარს.

ჩვენ მიკროფონს არავის ვაძლევთ სიტყვით გამოსასვლელად - რეიგანს ვალაპარაკებთ და ზელენსკის.

3. ევროპული საქართველო არაფერ შუაშია კონცერტის ორგანიზებასთან საერთოდ - საერთოდ!

არა იმიტომ რომ კონცერტი მიგვაჩნია მხიარულებად, ან ვიღაცას ვგმობთ მაგის გამო - არამედ იმიტომ რომ უბრალოდ არ ჩავთვალეთ რომ სწორია და სწორად მიიღებს ხალხი.

მოკლედ ჩვენი ორგანიზებულია - რუსეთის საელჩოზე ლაით შოუ, რასაც მოყვა რუსეთის საპროტესტო ნოტა.

ჩვენი ორგანიზებულია მნიშვნელოვანწილად ის, რომ მთელი რუსთაველი უკრაინის სიმბოლიკაში დგას.

ჩვენი ორგანიზებულია ის, რომ ზელენსკი, ჩერჩილი, ტეტჩერი და მერაბ კოსტავა გესმით აქციის მონაწილეებს.

ამ ეტაპზე ამით ვიფარგლებით.

P.S. ამ ეტაპზე არც ისეთი სამოქალაქო ჯგუფი არსებობს, რომელსაც ნდობა აქვს და შეიძლება საზოგადოების პოზიცია გამოხატოს. ამიტომ, მიკროფონი მკაცრად - არა“,-წერს, ჩერგოლეიშვილი.

ასევე დაგაინტერე­­­­სებთ:

🔵„ბოროტებაზე გამარჯვების სუნი პირველად დადგა, მალე ვიზეიმებთ სულ სხვა მსოფლიოს“ - ნათია ფანჯიკიძე

🔵ზელენსკი დღევანდელი სამყაროს მთავარი გმირია - გია ხუხაშვილი

🔵უკრაინაში ტერიტორიული თავდაცვის საერთაშორისო ლეგიონი იქმნება - ზელენსკი