გაუჩინარებული ეკონომისტის წერილი იპოვეს - „ბევრი ვითმინე და დავიღალე“

პოლიციამ გაუჩინარებული ეკონომისტის, რამაზ გერლიანის მობილურ ტელეფონს და წერილს მიაკვლია.

არსებული ინფორმაციით, მობილურს, რომელიც მის სამუშაო მაგიდაზე იდო, მარკერით მიწერილი ჰქონდა პაროლი, რომლითაც პოლიციას გერლიანის ტელეფონის გახსნა შეუძლია.

რაც შეეხება წერილს, რომელიც გაუჩინარებული ეკონომისტის სამუშაო კაბინეტიდან ამოიღეს,წერია, რომ: „ბევრი ითმინა" და „დაიღალა". იგი, ასევე მიმართავს შვილებს, რომ უყვარს, ღმერთს კი პატიებას სთხოვს.

რამაზ გერლიანის და იხსენებს, რომ რომ ერთ-ერთი პოლიციელი, რომელიც გერლიანმა გაუჩინარებამდე Facebook პოსტში ამხილა, უკანონოდ იჭრებოდა მისი ძმის ოჯახში, სადაც მისი ყოფილი ცოლი და შვილები ცხოვრობენ და გერლიანზე ინფორმაციის მოპოვებას ცდილობდა, რის შემდეგაც 14 ნოემბერს მან პოლიციას მიმართა.

საგამოძიებო მოქმედებები ავჭალაში 20 დეკემბერს მთელი დღის განმავლობაში მიმდინარეობა, იქ სადაც გაუჩინარებული  კაცის კვალი ორი დღის წინ გაქრა.

რამაზ გერლიანს ოჯახი 19 დეკემბრიდან ეძებს. მისი მანქანა მიტოვებული ავჭალის პოლიციასთან ნახეს. გაუჩინარებამდე მან ფეისბუკის საკუთარ გვერდზე დაწერა, რომ პოლიციელი გიორგი გოგნიაშვილი მასზე ზეწოლას ახდენდა.. მოგვიანებით მისი ეს პოსტი წაიშალა და აღარ იძებნება.  

საქმეზე გამოძიება თავისუფლების უკანონო აღკვეთის მუხლით დაიწყო.

ასევე საინტერესოა:

🔵 კაცს 20-მდე ტყვია გამვლელი მანქანიდან ესროლეს - დაჭრილის მდგომარეობა მძიმეა

🔵 დაკავებულია კაცი, რომელმაც კუსტარულად დაამზადა 563 მონეტა და სწრაფი ჩარიცხვის აპარატების საშუალებით გაანაღდა