ადვოკატი: ჯანმრთელობის მდგომარეობამ მიხეილ სააკაშვილს არ მისცა შესაძლებლობა დასწრებოდა სასამართლო პროცესს

"მისი ჯანმრთელობის მდგომარეობა უნდა იყოს პრიორიტეტი იმიტომ, რომ აუცილებელია მისი რეაბილიტაცია წავიდეს ჯანსაღად, ჯანმრთელობის მდგომარეობამ მას არ მისცა შესაძლებლობა დასწრებოდა სასამართლო პროცესს და მიემართა საზოგადოებისთვის", - ამის შესახებ ექსპრეზიდენტის ადვოკატმა, ბექა ბასილაიამ გორის სამხედრო ჰოსპიტალში შესვლამდე თქვა.

მისივე თქმით, დღევანდელ სასამართლო პროცესზე წარდგენილი იქნება რამდენიმე შუამდგომლობა.

"ამ საქმეზე ჩვენ და მთელმა ქართულმა საზოგადოებამ ნათლად იცის, რომ არ შეიძლება საქართველოს მესამე პრეზიდენტი, ამ ქვეყნის მთავარი რეფორმატორი, პოლიტიკურად დევნილი პირი სამშობლოში დაბრუნების გამო სამართლდებოდეს.

დღევანდელ სასამართლო პროცესზე წარდგენილი იქნება რამდენიმე შუამდგომლობა, მათ შორის, იმ მნიშვნელოვანი მტკიცებულებების დართვის შესახებ, რაზედაც სახალხო დამცველის ექსპერტთა კონსილიუმმა და რაზედაც ცენტრმა ემპათიამ იმსჯელა.

ჯანმრთელობის მდგომარეობამ მას არ მისცა შესაძლებლობა დასწრებოდა სასამართლო პროცესს და მიემართა საზოგადოებისთვის.

ჩვენ ვხედავდით წინა პროცესებზე როგორი ვრცელი სიტყვით მიმართავდა ის საზოგადოებას.

რაც შეეხება მომდევნო პროცესებს, ბუნებრივია, მისი ჯანმრთელობის მდგომარეობა უნდა იყოს პრიორიტეტი იმიტომ, რომ აუცილებელია მისი რეაბილიტაცია წავიდეს ჯანსაღად", - განაცხადა ბექა ბასილაიამ.

დღეს, 22 დეკემბერს, სახელმწიფო საზღვრის უკანონო კვეთის საქმეზე მიხეილ სააკაშვილის სასამართლო პროცესი თბილისის საქალაქო სასამართლოში გაიმართება. 

სხვა სიახლეები: 

🔲 "მთელი სახელმწიფო სტრუქტურა გაპრავების რეჟიმშია გადასული - მიშას ვიტამინები არ მოაკლდეს და ხალხი როგორც ეკიდათ, ისევე კიდიათ დღესაც" - თარხან გასვიანი

🔲 კარვები გაშალეს „ნაციონალური მოძრაობის“ ოფისთან, სადაც მასობრივი შიმშილობის დაწყებას გეგმავენ

🔲 "დავჯდები და შიმშილს დავიწყებ, რომ „ნაციონალური მოძრაობა“ პოლიტიკიდან წავიდეს" - ბექა დავითულიანი ენმ-ს მიერ დაწყებულ მასობრივ შიმშილობაზე

🔲 კორონავირუსით 52 პაციენტი გარდაიცვალა - როგორია ეპიდვითარება ქვეყანაში