"ბრძოლა გაგრძელდება, მთავარი თავგადასავალი გველოდება წინ" - ნიკა მელია

"საქართველოს მოქალაქეების ბრძოლა, რა თქმა უნდა ისეთივე არაძალადობრივი, მაგრამ ძალიან მწვავე ფორმებითა და მეთოდებით გაგრძელდება", - ამის შესახებ "ნაციონალური მოძრაობის" თავმჯდომარემ ნიკა მელიამ რუსთაველზე მიმდინარე აქციაზე განაცხადა.

"უახლოეს პერიოდში თქვენ გაგაცნობთ მომდევნო სამოქმედო გეგმას და არ შემიძლია, კიდევ ერთხელ ხაზი არ გავუსვა იმ მზაკვრულ, მაგიდაზე დადებულ გეგმას, რომელსაც ხორცი ვერ შეესხა და ეს გეგმა გულისხმობდა სისხლის ღვრას.

დიახაც, სამოქალაქო დაპირისპირებას და ის, რომ არ მოხდა, მხოლოდ და მხოლოდ თქვენი დამსახურებაა და არავითარ შემთხვევაში რეჟიმის. 

მაგრამ, მთავარი თავგადასავალი გველოდება წინ.

არც ერთი ჩვენგანი, მე დავიფიცე ყველა ქალაქში, სადაც ვიარე და ვთქვი, ვიდრე მიხეილ სააკაშვილი ამ უკანონო პატიმრობიდან არ იქნება დახსნილი, ჩვენ ბრძოლას არ შევაჩერებთ",  – განაცხადა ნიკა მელიამ.

მიხეილ სააკაშვილის ადვოკატის ნიკა გვარამიას განაცხადებით, ექსპრეზიდენტი თანახმაა გორის სამხედრო ჰოსპიტალში გადაყვანაზე, სადაც მოთავსების შემდეგ შიმშილობას შეწყვეტს. ადვოკატის ინფორმაციითვე, მიხეილ სააკაშვილს დღესვე გადაიყვანენ გორის სამხედრო ჰოსპიტალში, თუმცა დრო არ დაუკონკრეტებია.

🔲 "ჩემივე აშენებული ავტობანით წავალ გორის ჰოსპიტალში, არ ვაპირებ, შევეგუო ჩემს უკანონო პატიმრობას" - მიხეილ სააკაშვილი

🔲 დეკანოზი თამაზ ლომაძე: აჩვენეთ ღმერთს, რომ ჩვენ შევიცვალეთ! 

🔲  პარლამენტში მოშიმშილე ოპოზიციონერმა დეპუტატებმა შიმშილობა შეწყვიტეს