"დეკემბრის თვეში წლიური ინფლაცია იქნება ყველაზე მაღალი ბოლო 25 წლის განმავლობაში" - რომან გოცირიძე ირაკლი ღარიბაშვილის ანგარიშსს ეხმაურება

„ნაციონალური მოძრაობის“ ერთ-ერთი ლიდერი, რომან გოცირიძე, საქართველოს პრემიერ-მინისტრის ირაკლი ღარიბაშვილის მიერ წარდგენილ 2021 წლის მთავრობის ანგარიშს ეხმიანება:

"ღარიბაშვილის მთავარი ტყუილი: მიმდინარე წელს ხალხის კეთილდღეობა კი არ გაუმჯობესებულა, არამედ გაუარესდა.

საქართველოში წლის ბოლოს ინფლაცია იქნება 13 პროცენტის ფარგლებში, რაც იქნება ყველაზე მაღალი ევროპაში თურქეთის გარდა და ერთ-ერთი ყველაზე მაღალი მსოფლიოში( დიდი ალბათობით პირველ ათეულში მოხვდება საქართველო მსოფლიოში ფასების ზრდის მიხედვით).

საქართველოში ინფლაცია სინამდვილეში იმაზე მაღალია, ვიდრე ამას სტატისტიკის სახელმწიფო სამსახური აჩვენებს, ვინაიდან გასული წლის გაზაფხულზე გაზის, ელექტროენერგიისა და სხვა კომუნალური ხარჯების სუბსიდირების თანხა არ იყო შეტანილი ინფლაციის გაანგარიშებისას, მაშინ როცა ნოემბრის თვიდან გაწეული მსგავსი ხარჯები ინფლაციის გაანგარიშებისას იყო გათვალისწინებული.

მიმდინარე წლის დეკემბრის თვეში წლიური ინფლაცია ( დეკემბერი დეკემბერთან) იქნება ყველაზე მაღალი ბოლო 25 წლის განმავლობაში", -  წერს რომან გოცირიძე ფეისბუკში.

დღეს 18 დეკემბერს, საქართველოს პრემიერ-მინისტრმა, ირაკლი ღარიბაშვილმა მთავრობის საქმიანობის 2021 წლის ანგარიში წარადგინა.

პრემიერის ანგარიშის წარდგენას საკანონმდებლო და აღმასრულებელი ხელისუფლების, საპატრიარქოს წარმომადგენლები ესწრებიან. ასევე, უზენაესი სასამართლოსა და საკონსტიტუციო სასამართლოს თავმჯდომარეები.

ამავე თემაზე:

🔲 ირაკლი ღარიბაშვილი: 2022 წელს დაგეგმილი გვაქვს მინიმუმ 6%-იანი ეკონომიკური ზრდა

🔲 პრემიერი: აზარტულ თამაშებზე წვდომა მილიონამდე სრულწლოვან ადამიანს შეეზღუდება - ეს ინიციატივა მომავალ თაობებზე ზრუნვას ნიშნავს