ეს არ არის ბოლო გამოწვევა - თენგიზ ცერცვაძე საქართველოში დაფიქსირებულ "ომიკრონის" შემთხვევებზე

თბილისის ინფექციური საავადმყოფოს დირექტორის აცხადებს, რომ  საქართველოში დადასტურებული „ომიკრონის“ შტამით ინფიცირების ორივე შემთხვევა მსუბუქი  მიმდინარეობისაა. თენგიზ ცერცვაძის თქმით, „ომიკრონის“ შტამით ინფიცირებული ორივე პირი ამჟამად თვითიზოლაციაში იმყოფება.

„ომიკრონის“ შტამით დაინფიცირების ორი შემთხვევა გვაქვს. ლუგარის ლაბორატორიაში ჩატარდა ტესტები. როგორც ვიცი, ერთი ვაჟი და ერთი ქალია. ერთი მაიამიდანაა და მეორე დუბაიდან. ორივესთან ამჟამად დაავადება მიმდინარეობს მსუბუქად. იმყოფებიან ბინაზე, იზოლაციაში და დაკვირვების ქვეშ. რაიმე სპეციფიური მკურნალობა არ მიმდინარეობს. მოსალოდნელია, რომ „ომიკრონი“ გავრცელდება საქართველოში. მიკვირს, რომ აქამდე არ გავრცელდა, ალბათ საზღვარზე კარგად იცავდნენ წესებს.

მსოფლიოს 65 ქვეყანაშია გავრცელებული და ბუნებრივია, აქაც გავრცელდება. რა თქმა უნდა, ეს დამატებითი გამოწვევაა, ბოლომდე არ ვიცით შტამის თავისებურებების შესახებ, მაგრამ მინდა, მკაფიოდ ვთქვა, რომ ეს არც ბოლო გამოწვევაა და მას უნდა შევხვდეთ როგორც ერთ-ერთ რიგით გამოწვევას, პანიკის გარეშე“, – განაცხადა თენგიზ ცერცვაძემ.

ცერცვაძის განმარტებით, მოსალოდნელია „ომიკრონის“ უფრო სწრაფად გავრცელება, ვიდრე ეს იყო დელტა შტამის შემთხვევავში. თენგიზ ცერცვაძის თქმით, შესაბამისად, მოსალოდნელია კლინიკურ სექტორზე დატვირთვის გაზრდაც.

„ჯერჯერობით არსებული ინფორმაციით, ეს შტამი არ იწვევს უფრო მძიმე დაავადებას და უფრო მეტ სიკვდილობას. შესაბამისად, ამ მიმართულებით პანიკის საფუძველი ჯერჯერობით არ არსებობს“, – აღნიშნა თენგიზ ცერცვაძემ.

ასევე დაგაინტერესებთ:

🔵საზეიმოდ ანთებული ნაძვის ხე მალევე ჩაქრა ქუთაისშისაზეიმოდ ანთებული ნაძვის ხე მალევე ჩაქრა ქუთაისში

🔵თვითმფრინავი ისე ირყეოდა, რომ ყველა მგზავრი, ათეისტებიც კი განწირული მზერით კითხულობდნენ გადარჩენის ლოცვებს - ილია ჩაჩიბაია

🔵ეროვნული თანხმობის პროცესი არის რთული კომპლექსური პროცესი - პრეზიდენტის ადმინისტრაცია განცხადებას ავრცელებს