ფრანცისკო-მარია მაჯო, საქართველოდან იტალიაში დაბრუნებისას, საკუთარ თავს "ოქროს საწმისის ნადავლით" აღჭურვილ ახალ არგონავტს" ადარებდა

იტალიელი კათოლიკე მისიონერი ფრანცისკო-მარია მაჯო (1612-1686) – ქართული ენის გრამატიკის პირველი ავტორი და გამომცემელი 

ქართული ენის მეცნიერულ შესწავლას მან ერთ-ერთმა პირველმა ჩაუყარა საფუძველი. ჯერ კიდევ ახალგაზრდა პალერმოელმა ღვთისმსახურმა რომის პაპისგან საგანგებო დავალება მიიღო - საქართველოში მისიონერული მოღვაწეობისას საფუძვლიანად შეესწავლა ქართული ენა...

ფრანცისკო-მარია მაჯოს წიგნი "ქართული ენის გრამატიკა" გამოიცა რომში, 1670 წელს, სარწმუნოების გამავრცელებელი სასულიერო საზოგადოების, ე.წ. პროპაგანდა ფიდეს სტამბაში. ვატიკანთან არსებული ეს დაწესებულება ამჟამად "ხალხთა ევანგელიზაციის კონგრეგაციად" იწოდება და უმაღლესი რანგის კათლოკურ სასულიერო დაწესებულებათა შორის სამისიონერო საქმეთა სამინისტროდ არის მიჩნეული.

ფრანციკო-მარია მაჯოს "ქართული ენის გრამატიკის" ეგზემპლარი ინახება საქართველოს პარლამენტის ეროვნული ბიბლიოთეკის იშვიათ გამოცემათა განყოფილებაში. 

წიგნში გამოყენებულია ქართული დამწერლობის სამივე სახე: მხედრული, ასომთავრული, ნუსხური; ქართული ანბანი რიცხობრივი შესატყვისობით...

თავად ფრანცისკო-მარია მაჯო, საქართველოდან იტალიაში დაბრუნებისას, საკუთარ თავს "ოქროს საწმისის ნადავლით" აღჭურვილ ახალ არგონავტს" ადარებდა.

წყარო: catolic.ge