"განსაკუთრებით შემზარავი იყო პოლიციელის გვერდით მდგომი კოლეგის გულგრილობა, ვფიქრობ ეს ამ პოლიციელისთვის პირველი შემთხვევა არ იყო" - ნიკა სიმონიშვილი

"განსაკუთრებით შემზარავი იყო პოლიციელის გვერდით მდგომი კოლეგის გულგრილობა, ვფიქრობ ეს ამ პოლიციელისთვის პირველი შემთხვევა არ იყო", - ასე ეხმაურება საქართველოს ახალგაზრდა იურისტთა ასოციაციის ხელმძღვანელი ნიკა სიმონიშვილი პოლიციელის მხრიდან მოქალაქის ცემის ფაქტს.

"დღეს ვიხილეთ საბჭოთა და შევარდნაძის პერიოდისკენ მიმავალი საპოლიციო სისტემის მორიგი მაგალითი, რომელშიც ადამიანის ღირსების შელახვა და ფიზიკური ანგარიშსწორება ჩვეულებრივი ამბავია, რომელშიც შშმ პირებს არასრულფასოვნებად აღიქვამენ და "გაკვეთილს" აძლევენ, როგორ მოიქცეს სრულფასოვნების საზოგადოებაში.

ცემის ფაქტს, რომ თავი დავანებოთ, განსაკუთრებით შემზარავი იყო პოლიციელის დამოკიდებულება (ავალაპარაკებო) და მის გვერდით მდგომი კოლეგის გულგრილობა.

არ ვფიქრობ, რომ ეს ამ პოლიციელისთვის პირველი შემთხვევა იყო, იმდენად უტიფრად იქცეოდა.

შეიძლება ეს პოლიციელები დასაჯონ, მაგრამ ცალკე აღებული ეს ფაქტი ვერ შეცვლის საერთო სურათს, საზოგადოების გავლენიანი წევრების დამოკიდებულებას შშმ პირთა მიმართ, პოლიციელთა უკონტროლო საქციელებს, განსაკუთრებით იმ ფონზე, როდესაც მათი საქმეების გამომძიებელ ორგანოს ხელისუფლება პირდაპირ დაიქვემდებარებს", - წერს სიმონიშვილი.

შეგახსენებთ, რომ ვიდეოკადრები გავრცელდა, სადაც ჩანს რომ სამართალდამცველი შშმ პირს ფიზიკურად უსწორდება. 

ამავე თემაზე:

🔳  შსს: ინსპექტორის სამსახურმა პოლიციელის მხრიდან ძალადობით უფლებამოსილების გადამეტების ფაქტზე გამოძიება სსკ-ის 333-ე მუხლით დაიწყო (ვიდეო)

🔳 „სისტემა, შსს, კანონი და დავალება სჭირდება იმას ასეთი არაკაცი რომ არ იყო რასაც ახლა ეკრანზე ვუყურებთ?“ - თინა ხიდაშელი პოლიციელის მხრიდან მოქალაქის ცემის ფაქტზე