გვარამია: ლაშა ჩხიკვაძის განცხადება ხელისუფლების ანტიდასავლური კამპანიის ნაწილია

პატიმრობაში მყოფი "მთავარი არხის" დირექტორი ნიკა გვარამია ამბობს, რომ მისი საქმის განმხილველი მოსამართლის, ლაშა ჩხიკვაძის განცხადება ხელისუფლების ანტიდასავლური კამპანიის ნაწილია.

ამის შესახებ გვარამიას სოციალურ ქსელში გავრცელებულ განცხადებაში აღნიშნული.

"ფორმალურადაც კი გაფორმდა ის ფაქტი, რომ ის დაინტერესებულია ჩემს საქმეზე სააპელაციო სასამართლოს გადაწყვეტილებით (რაც არ უნდა წეროს, რომ ეს მისი ინტერესი არაა) და თავად ახორციელებს ღია და საჯარო ზეწოლას საკუთარ კოლეგებზე...

სრულიად შემზარავი და უპრეცედენტოა ჩვენი მთავარი სტრატეგიული მოკავშირის დისკრედიტაციის და შანტაჟის ეს ფაქტი სასამართლო ხელისუფლების მხრიდან, რომელიც უნდა განვიხილოთ, როგორც ქართული ოცნების ღია ანტიდასავლური კამპანიის ნაწილი", - წერია ნიკა გვარამიას ფეისბუკგვერდზე.

მოსამართლე ჩხიკვაძის განცხადება პირველმა ტელეკომპანია "რუსთავი 2"-მა გაავრცელა - არხმა, რომელიც ამ საქმით დაინტერესებული ერთ-ერთი მხარეა. ჩხიკვაძე წერდა, რომ ნიკა გვარამიას საქმეზე გამოტანილი განაჩენის გამო ის აშშ-ში გასამგზავრებელ მოსამართლეთა სიიდან ამოიღეს.

"ელჩს აინტერესებს ამ საქმეზე რატომ მივიღე გამამტყუნებელი განაჩენი და განსაკუთრებით რატომ გამოვიყენე სასჯელად თავისუფლების აღკვეთა. ჩემი შეფასებით ეს იყო ანგარიშის მოთხოვნა კონკრეტულ საქმესთან დაკავშირებით... ეს ვითარება ჩემთვის გამაოგნებელი აღმოჩნდა", - აღნიშნულია "რუსთავი 2"-ის მიერ ლაშა ჩხიკვაძის სახელით გავრცელებულ წერილში.

ამავე თემაზე:

* უკვე ზოგიერთი პოლიტიკური ძალა "სანქციებითაც" მემუქრება ამ კონკრეტული საქმის განხილვის შედეგის გამო - ნიკა გვარამიას საქმის მოსამართლე განცხადებას ავრცელებს