იაგო ფრანგიშვილი: ზოგი რამდენჯერმე კვდება, ფიზიკურად კი არა, ისე, ადამიანობაში კვდება

გერმანიაში მოღვაწე ქართველი ექიმი იაგო ფრანგიშვილი, სოციალურ ქსელ ფეისბუკში ხშირად გამოირჩევა სოციალურ საკითხებზე თუ პოლიტიკურ პროცესებზე ვრცელი პოსტებით. ამჯერად ფრანგიშვილი სიკვდილ-სიცოცხლის მნიშვნელობის შესახებ წერს:

"საოცარია ცხოვრება....

სიკვდილ-სიცოცხლეც კი არაა ცალსახა...

ზოგი მეორედ იბადება, საბედნიეროდ,

განსაკუთრებულ საფრთხეს რომ დააღწევს თავს ადამიანი, მეორედ დაბადებაა, აბა რა...

ზოგი კიდე, მკვდარი რომ გგონია, მისგან დასვენებული რომ გგონია სამყარო, უცებ აღმოჩნდება რომ არამარტო ცოცხალია, არამედ ვიღაცამ რაღაც დიდის მართვა გამგებლობა ჩააბარა....

ზოგი რამდენჯერმე კვდება, ფიზიკურად კი არა, ისე, ადამიანობაში კვდება...

ისეთს გააკეთებს, ისეთს იტყვის და ამტკიცებს, შხამავს საზოგადოებას.

თანაც, თუ ასეთი რამ ღრმა სიბერეში შეემთხვა, წესით ქრისტიანმა მორწმუნემ უფალს უნდა შეღაღადოს, რა დაგიშავა ასეთი ამ ადამიანმა, რომ იმაზე ადრე არ წაიყვანე შენს სასუფეველში, ვიდრე ეს საშინელება მოუვიდოდაო...

გარდაიცვლება ასეთი და იფიქრებ, მიიბარა სული უფალმა და დაისვენა მანაც და სხვამაცო...

ზოგიც კიდევ, წასულია ცოცხლების გარემოდან, მაგრამ, მისი ნაკეთი, მისი ნათქვამი, მისი იდეოლოგიური ნაშიერიზმი ცოცხალზე ცოცხალია და ქართულმა ფილოსოფიამ ,,მაოხრებელი მკვდარი,, შეარქვა ამ მდგომარეობასზოგი კი, მიდის ამ ქვეყნიდან ფიზიკურად, მაგრამ არ კვდება, ბევრ ცოცხალზე უფრო ცოცხალია და გვერდით უდგას ერს და ბერს, საბედნიეროდ...

დიდი მადლია ეს....

მოკლედ ჯერჯერობით ერთხელ დავიბადე, მეორედ დაბადებაზე შეგნებულად უარი ვთქვი, რა გადანერგვა ამ ასაკში, მოდი და ვერ წავიდა ისე, რომ გინდა და მშობლებს კიდე ეს უნდა ანახვო მეთქი და დავტოვე ისე ყველაფერი, როგორც იყო და, დავრჩი ერთხელ დაბადებულად.

სიკვდილით კი, იქნება მოვკვდი სადმე და ვიღაცასთან ისე, რომ ვერც კი გავიაზრე, უდიდესი ბოდიში ამისთვის იმ ადამიანებს, მაგრამ, უფალს ვთხოვ აწი ისე მომკლას, რომ ცოცხალი სიკვდილის გამოცდილება მომაკლოს და ახლად დაბადება ხომ არა და არ მინდა, როცა მოესურვება საბოლოო ყოფილიყოს ეს სიკვდილი.

ეს უდიდესი მადლიც და პატივიც იქნება", - წერს ფრანგიშვილი.

სხვა სიახლეები:

🔳 ექსპერტი: იმ დროს, როდესაც ყაზახეთში მასიური დაკავებები მიმდინარეობს, ქვეყნის ძალოვნების რიგებში „უცნაური“ სიკვდილიანობა შეინიშნება

🔳 "მე არ დამიწერია" - ლადო აფხაზავა გავრცელებულ კომენტარზე საზოგადოებას ბოდიშს უხდის

🔳 იაგო ფრანგიშვილი: ის რომ "გერგება", "ითხოვ და მოგეცემა", აი ეს არასოდეს ყოფილა საქართველოში ბოლო, ალბათ 300 წელია