ივანე ჩხაიძე საქართველოში კორონავირუსის მე-6 ტალღის დასრულებას თებერვლის ბოლოს პროგნოზირებს

იმუნიზაციის მრჩეველთა ეროვნული ტექნიკური ჯგუფის ხელმძღვანელი ივანე ჩხაიძე, საქართველოში კორონავირუსის მეექვსე ტალღის პიკის დასრულებას, თებერვლის ბოლოს პროგნოზირებს.

მისი თქმით, პროგნოზის გაკეთებისას, სპეციალისტები იმ ევროპული ქვეყნების გამოცდილებით ხელმძღვანელობენ, სადაც „ომიკრონი“ საქართველოზე ადრე გავრცელდა.

ჩხაიძის თქმით, ამ პროგნოზებით, საქართველოში „ომიკრონის“ გავრცელების პიკური მაჩვენებელი 4-10 თებერვალს უნდა დაფიქსირებულიყო.

"თუ გადავხედავთ დღევანდელ სტატისტიკას, 2 თებერვალს, საქართველოში შემთხვევების მატებიდან ზუსტად 4 კვირის შემდეგ, დაფიქსირდა დღეისთვის ყველაზე მაღალი მაჩვენებელი 26 200 შემთხვევა და დღეისათვის ეს რჩება პიკურ მაჩვენებელს.

შესაბამისად, არსებობს შესაძლებლობა, რომ სწორედ 2 თებერვალს დაფიქსირებული მაჩვენებელი იყოს მეექვსე ტალღის პიკი საქართველოში და როგორც ახლა, 2 თებერვლიდან დღემდე შემთხვევები თანდათან მცირდება, ეს ტენდენცია გაგრძელდეს მომდევნო დღეების განმავლობაში.

თუმცა, მაინც ვიტოვებთ გარკვეულ პერიოდს იმისთვის, რომ კიდევ ერთხელ შევაფასოთ ამ 4-6-კვირიანი პიკის მიღწევის ხანგრძლივობა და თუ მომდევნო კვირაში, კერძოდ სამშაბათს, ახალი შემთხვევების რაოდენობა 26 200-ზე ნაკლები იქნება, მაშინ უფრო მეტად დაჯერებით შევძლებთ ვთქვათ, რომ საქართველოში მეექვსე ტალღის დაღმავალი პერიოდი დაიწყო და გვექნება მოლოდინი, რომ თებერვლის ბოლოსთვის ეს ტალღა დასრულდება", - განაცხადა ივანე ჩხაიძემ "ქრონიკის" ეთერში.

ბოლო 24 საათის განმავლობაში საქართველოში კორონავირუსის კიდევ 22 444 ახალი შემთხვევა გამოვლინდა.

სხვა სიახლეები:

🔳 სოციალურად დაუცველ 240 ოჯახს „სიკეთის ბარათი“ - ფულადი ვაუჩერები გადაეცემა (ფოტოკოლაჟი)

🔳 COVID-19-ით დაავადებულთა და მათთან კონტაქტირებულთა იზოლაციისა და კარანტინის ვადები მცირდება

🔳 „მოკლე დროში კოვიდით რეინფიცირების შემთხვევები გახშირებულია, განსაკუთრებით აჭარაში“ - ექიმის რჩევები

🔳 „თქვენო ღირსებავ… დღემდე თვალებიდან არ ამომდის ატირებული მოსამართლე“ – ნათია მეზვრიშვილი გარდაცვლილ მოსამართლეს ემშვიდობება