იყო გარკვეული ხარვეზები, შეფერხებები - ჯანდაცვის მინისტრის მოადგილე ე.წ. მწვანე პასპორტზე

პირველი დეკემბრიდან, სამი დიდი სეგმენტის მიმართულებით დავიწყეთ მწვანე პასპორტის გამოყენება. ჯერჯერობით, ჩვენი მონიტორინგი მეტად მხარდამჭერი ხასიათის იყო, რადგან, მნიშვნელოვანია დარღვევის ფაქტების გამოვლენა და შემდეგ – მითითება. რა თქმა უნდა, იყო გარკვეული ხარვეზები, შეფერხებები, თუმცა, მთლიანობაში, კარგია ის, რომ პროცესი დაიძრა, – ამის შესახებ ჯანდაცვის მინისტრის მოადგილე თამარ გაბუნიამ ტელეკომპანია "იმედის" ეთერში განაცხადა.

“სამწუხაროა და ჩვენთვის საყურადღებოა, რომ სწორედ პირველი დეკემბრიდან რამდენიმე დღეში, გაყალბების პირველი მცდელობა გამოვლინდა; მწვანე საშვის საფუძველი რაც არის – რეგისტრაციის დოკუმენტაცია ვაქცინაციის თაობაზე, რაც არის აბსოლუტურად მიუღებელი და დიდი იმედი მაქვს, რომ მსგავსი არაფერი განმეორდება. ეს დიდი ყურადღების საგანი იქნება ჩვენგან. სხვა მხრივ, ვფიქრობთ, რომ პროცესი დაიწყო და ჩვენ გვექნება მეტი დასკვნის საშუალება, თუ როგორ მოქმედებს, რა სარგებელს მოიტანს და შემდეგ, ამის მიხედვით, შეგვიძლია, ვიმსჯელოთ მის გაფართოებაზე და იმაზე, რა მიმართულებით იქნება უფრო გონივრული და შედეგიანი მწვანე საშვის მოთხოვნების გამკაცრება”, – განაცხადა გაბუნიამ.

ასევე წაიკითხეთ:

🔵ეს ბავშვებს ჭირს 15,18, 19 წლის ბავშევბს !!! ნარკოტიკზე დამოკიდებული უმძიმესი ფორმებია - ნარკოლოგი

🔵ქვრივის იძულებით დაქორწინება არ შეიძლება - "თალიბანმა" ქალთა უფლებებზე ახალი განკარგულება გამოსცა

🔵46 გარდაცვლილი და კორონავირუსის 3 410 ახალი შემთხვევა საქართველოში