კაცმა ცოლ-შვილი, მხოლოდ იმის გამო მიატოვა, რომ ბიჭის ნაცვლად გოგო დაიბადა - ჩვილის მამამ ცოდვად ჩათვალა პატარას სქესი - მდედრობითი

გლდანის მაჟორიტარი დეპუტატი კონსტანტინე ზარნაძე საკმაოდ სევდიან ისტორიას აზიარებს სოციალურ ქსელში და წერს, რომ "ასეთი არსებები უნდა დაიგმოს საზოგადოების მხრიდან".

"როგორც მოგეხსენებათ, ჩემთან ყოველ შეხვედრაზე ათეულობით ადამიანი მოდის და საკუთარ გასაჭირს მიზიარებს, ერთ-ერთი მათგანის ისტორია ჩემთვის ძალიან რთულად გასაგები, დამაფიქრებელი და სულისშემძვრელი აღმოჩნდა:

ახალგაზრდა ქალი მეუღლის მხრიდან ფსიქოლოგიური ტერორის მსხვერპლი მას შემდეგ გახდა, რაც მან იმშობიარა - სამყაროს უცოდველი პატარა მოუვლინა, მაგრამ მამამისმა ცოდვად ჩათვალა ამ პატარას სქესი - მდედრობითი.

შემაძრწუნა ფაქტმა, რომ ამ საუკუნეში კიდევ არსებობენ ასეთი ადამიანები, რომლებსაც შეუძლიათ შვილზე თქვან უარი. უკაცრავად, მომიტევეთ, ამ არსებას არც ადამიანი და არც კაცი არ უნდა ეწოდოს. იგი უნდა იყოს დაიგმოს საზოგადოების მხრიდან.

ამ არაკაცმა ცოლ-შვილი მარტო დატოვა გაუსაძლის მდგომარეობაში. ახალგაზრდა ქალი მშობლებმა აღარ მიიღეს და რვა თვის შვილით ღია ცის ქვეშ - თავშესაფრის გარეშე დარჩა. ჩვენი ძალისხმევით, მოქალაქესთან სოც.მუშაკი და ფსიქოლოგი ყოველდღიურად იმუშავებს. გარდა ამისა, შესაბამისი სამსახური უმოკლეს დროში თავშესაფრით დააკმაყოფილებს. მაგრამ, ეს გამოსავალი არაა. გამოსავალი თითოეული ასეთი ადამიანის ქმედების დაგმობაა და განწყობების შეცვლა, შეცვლა იმ არასწორი წარმოდგენების, რაც სამწუხაროდ, ქვეყანაში ისევ არსებობს", - წერს სოციალურ ქსელში დეპუტატი.

ასევე წაიკითხეთ:

🔵კანადა მილიონ ნახევარ ემიგრანტს ეპატიჟება - გაიგე რის საფუძველზე მოგენიჭება ეკონომიკური იმიგრანტის სტატუსი

🔵როგორ მოვხვდებით კანადაში? - სრული და ოფიციალური ინფორმაცია საგარეო საქმეთა სამინისტროსგან

🔵8 წლის გოგონასა და 13 წლის ბიჭის ურთიერთობას მთელი უკრაინა განიხილავს - მშობლები არ ღელავენ და უჩვეულო არგუმენტებს იშველიებენ (ფოტოები)

🔵ეს სასწაულმოქმედი ლოცვა თქვენს ცხოვრებას რადიკალურად შეცვლის