ლევან მახაშვილი ხიდაშელის მიერ არასამთავრობო ორგანიზაციის ჩეხეთში რეგისტრირებაზე: აქ მთავარი პრობლემა არის ის, რომ აკეთებენ ყველაფერს, რათა ქართულ კანონმდებლობას გვერდი აუარონ, ქართულ პოლიტიკაში ფული ატრიალონ

აქ მთავარი პრობლემა არის ის, რომ აკეთებენ ყველაფერს, რათა ქართულ კანონმდებლობას გვერდი აუარონ, ქართულ პოლიტიკაში ფული ატრიალონ, - განუცხადა „ქრონიკას“ ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა თინა ხიდაშელის მიერ არასამთავრობო ორგანიზაციის ჩეხეთში რეგისტრირებაზე საუბრისას.

მახაშვილის თქმით, ისინი თავს წარმოადგენენ თითქოს ქართულ ინტერესებს ახორციელებდნენ და არაფერ შუაში იყვნენ უცხოურ ძალებთან.

„პირდაპირ ამ ფორმით ისინი აღიარებენ, რომ არათუ მათ ინტერესებს ახორციელებენ, თავად ხდებიან უცხოური ძალები ამ ნაწილში. აქ მთავარი, ყველაზე დიდი პრობლემა არის ის, რომ აკეთებენ ყველაფერს იმისთვის, რათა ქართულ კანონმდებლობას გვერდი აუარონ, ქართველი ხალხის ნებისა და ნებართვის, თანხმობის გარეშე ქართულ პოლიტიკაში ფული ატრიალონ.

ნაცვლად იმისა, რომ მათ შორის თინა ხიდაშელმა, მათმა კოლეგებმა რაღაც მორალი უკითხონ საქართველოს ხელისუფლებას, მოსახლეობას თუ ა.შ. სწორედ ამ ლეგიტიმურ კითხვებს უნდა გასცენ უპირველესად პასუხი და დაუმტკიცონ საზოგადოებას, რომ მათი თითოეული ნაბიჯი არის საქართველოს კანონმდებლობის დაცვით და ქართველი ხალხის ინტერესების დაცვით ნაკარნახევი“, - აღნიშნა ლევან მახაშვილმა.

თინა ხიდაშელმა არასამთავრობო ორგანიზაცია „სამოქალაქო იდეა“ ჩეხეთში დაარეგისტრირა.