მარიამ ქვრივიშვილი: ჩინეთის საერთაშორისო იმპორტის გამოფენა საქართველოსთვის უმნიშვნელოვანესი პლატფორმაა

ეკონომიკისა და მდგრადი განვითარების მინისტრი მარიამ ქვრივიშვილი ჩინეთის საერთაშორისო იმპორტის გამოფენის (China International Import Expo (CIIE)) გახსნის ცერემონიას დაესწრო, რომელზეც საქართველოს პრემიერ-მინისტრი ირაკლი კობახიძე სიტყვით გამოვიდა. საქართველო გამოფენაზე საპატიო სტუმარი ქვეყნის სტატუსით მონაწილეობს.

როგორც მარიამ ქვრივიშვილმა განაცხადა, საქართველოს პრემიერ-მინისტრმა გამოსვლაში ამომწურავად ისაუბრა საქართველოს მიღწევებისა და დაგეგმილი პროექტების, მათ შორის, ინფრასტრუქტურული პროექტების შესახებ, რომლებიც გააძლიერებს ჩვენი ქვეყნის პოზიციონირებას, განსაკუთრებით დაკავშირებადობის კუთხით.

„საქართველოს პრემიერ-მინისტრმა ვრცლად ისაუბრა იმ მჭიდრო და სტრატეგიულ თანამშრომლობაზე, რომელიც საქართველოსა და ჩინეთის სახალხო რესპუბლიკას შორის არსებობს და მათ შორის იმ გეგმებზე და ახალ შესაძლებლობებზე, რომლებიც კიდევ უფრო მეტად გაამყარებს ქვეყნებს შორის, ისევე როგორც ხალხთა შორის ურთიერთობებს და გაზრდის სავაჭრო - ეკონომიკურ ბრუნვას. ჩინეთის საერთაშორისო იმპორტის გამოფენა საქართველოსთვის უმნიშვნელოვანესი პლატფორმაა. განსაკუთრებით სასიხარულოა, რომ საქართველო პირველად წარსდგა, როგორც საპატიო სტუმარი, აღნიშნულ გამოფენაზე,“ - აღნიშნა მარიამ ქვრივიშვილმა.

დღესვე საქართველოსა და ჩინეთის პრემიერ-მინისტრებმა ოფიციალურად გახსნეს ქართული პავილიონი.

„გამოფენაზე გვექნება შესაძლებლობა, მომდევნო დღეების განმავლობაში ღირსეულად წარვადგინოთ ქართული პროდუქცია, გასტრონომია, ქართული ღვინო და გავზარდოთ ქართული პროდუქციის ცნობადობა ჩინეთის ბაზარზე. აღნიშნული პლატფორმა ასევე გვაძლევს შესაძლებლობას, ხელი შევუწყოთ გამოფენაზე ჩვენთან ერთად მყოფ 40-მდე კომპანიას, დაამყარონ ბიზნეს ურთიერთობები ჩინურ კორპორაციებთან, რათა ყოველწლიურად გავზარდოთ სავაჭრო ბრუნვა და ქართული პროდუქციის ექსპორტი ჩინეთის ბაზარზე,“ - აღნიშნა მარიამ ქვრივიშვილმა.

ჩინეთის საერთაშორისო იმპორტის გამოფენაზე საქართველო უპრეცედენტო მასშტაბით, 1000 კვ.მ ფართობზე განთავსებული სამი საგამოფენო სივრცით არის წარმოდგენილი, კერძოდ: ესენია ეროვნული პავილიონი, საკვები და სასმელი პროდუქციის ზონა, ასევე ტანსაცმლისა და აქსესუარების განყოფილება. სააგენტოს „აწარმოე საქართველოში“ მხარდაჭერით, გამოფენას 40-მდე ქართული კომპანია ესწრება. წელს ეროვნულ პავილიონში მოწყობილია გასტრონომიული კუთხე, იმართება ტრადიციული ქართული კერძების მომზადების მასტერკლასები, ღვინის დეგუსტაცია და ეროვნული ცეკვისა და სიმღერის წარმოდგენები. სააგენტოს „აწარმოე საქართველოში“ პარტნიორები არიან ტურიზმის ეროვნული ადმინისტრაცია და ღვინის ეროვნული სააგენტო.

მასალის გამოყენების პირობები


მთავარი სიახლეები




სხვა სიახლეები

1794656735

ახალი ამბები

ლაშა აბაშიძე: 18 კმ-იანი ახალი სარკინიგზო ხაზი იქნება სრულად ელექტრიფიცირებული, რომელიც რკინიგზის არსებულ მაგისტრალს ანაკლიის პორტთან დააკავშირებს - საქართველოს რკინიგზის გენერალური დირექტორი

გამოცხადდა ტენდერი ანაკლიის სარკინიგზო ინფრასტრუქტურის სამშენებლო სამუშაოების შესახებ, რომელიც გულისხმობს ახალი 18 კმ-იანი სარკინიგზო ხაზის მშენებლობას, - აცხადებს სს საქართველოს რკინიგზის გენერალური...

ლაშა აბაშიძე

1794654491

ახალი ამბები

ლევან ჭოტორლიშვილი: თვითნასწავლი იურისტი ვახტანგ ხმალაძე ამტკიცებს, რომ კონსტიტუცია კრძალავს კონსტიტუციური წყობის დამხობას და არა მთავრობის დამხობას

1991-92 წლის პუტჩი და გადატრიალება არაკონსტიტუციური პროცესი არ ყოფილა, რადგან კიტოვანმა-სიგუამ-ჯაბა იოსელიანმა მხოლოდ მთავრობა დაამხვეს და არა კონსტიტუციური წყობა. ცნობისათვის, ამ გადატრიალების შემდეგ...

ლევან ჭოტორლიშვილი

1794652194

ახალი ამბები

ლევან ხაბეიშვილზე ძალადობისთვის ბრალდებულ სუს-ისა და შსს-ს ყოფილ თანამშრომლებს 5-5 წლიანი თავისუფლების აღკვეთა მიესაჯათ

„ნაციონალური მოძრაობის“ ერთ-ერთი ლიდერის, ლევან ხაბეიშვილის მიმართ განხორციელებული ფიზიკური ძალადობის ფაქტზე ბრალდებულ სუს-ისა და შსს-ს ყოფილ თანამშრომლებს 5-5 წლიანი თავისუფლების აღკვეთა მიესაჯათ. გა...

 ლევან ხაბეიშვილი

1794650718

ახალი ამბები

დავით მათიკაშვილი საკონსტიტუციო სარჩელზე: როგორც ნიურნბერგის პროცესზე ვერ დაიძვრინეს ნაცისტმა დამნაშავეებმა თავი, ისე ვერ დაიძვრენენ ქართული ნიურნბერგის პროცესზე თავს

პარლამენტის საპროცედურო საკითხთა კომიტეტის თავმჯდომარის დავით მათიკაშვილის განცხადებით, როგორც ნიურნბერგის პროცესზე ვერ დაიძვრინეს ნაცისტმა დამნაშავეებმა თავი, ისე ვერ დაიძვრენენ თავს ქართული ნიურნბერ...

დავით მათიკაშვილი

1794649001

ახალი ამბები

15 ნოემბერს საქართველოს უმეტეს ტერიტორიაზე იქროლებს ძლიერი ქარი, დასავლეთ საქართველოში მოსალოდნელია ნალექი

15 ნოემბერს დასავლეთ საქართველოში მოსალოდნელია ნალექი, დღის საათებში - აფხაზეთში, აჭარაში, სამეგრელო-ზემო სვანეთის, იმერეთის და გურიის რეგიონებში დროგამოშვებით ძლიერი ინტენსივობით. შესაძლებელია ელჭექი...

წვიმა, ქარი და მდინარეებზე წყალმოვარდნები