მაშველებმა ტყიბულში მიწის ჩამოშლისას მოყოლილი ერთი ადამიანი ამოიყვანეს, მეორეს ამ დრომდე ეძებენ

საგანგებო სიტუაციების მართვის სამსახურის ინფორმაციით, მაშველებმა ტყიბულში კარიერის გამაგრებისას ჩამოშლილი მიწის ქვეშ მოყოლილ ერთ ადამიანს მიაგნეს, ის კონტაქტურია და უსაფრთხო ადგილას გადაჰყავთ.

უწყების ცნობით, მეორე მოქალაქეს ამ დრომდე ეძებენ.

"საგანგებო სიტუაციების მართვის სამსახურის თანამშრომლების სწრაფი და ეფექტური მოქმედებების
შედეგად, მოხერხდა მიწის მასის ქვეშ მოყოლილ ერთ-ერთ ადამიანამდე ჩასვლა. მოქალაქე იმყოფება კონტაქტურ მდგომარეობაში და ამ დროისთვის მიმდინარეობს მისი უსაფრთხო ადგილზე გამოყვანის ღონისძიებები. პარალელურ რეჟიმში მიმდინარეობს მეორე მოქალაქის ძებნა-შველის ღონისძიება.

შემთხვევის ადგილზე მუშაობენ საგანგებო სიტუაციების მართვის სამსახურის, იმერეთის მთავარი სამმართველოსა და განსაკუთრებულ სიტუაციებზე  რეაგირების მთავარი სამმართველოს ჯგუფები. მობილებულები არიან ცენტრალური კოორდინაციის სამმართველოს სპეციალისტები", – აღნიშნულია განცხადებაში.

საგანგებო სიტუაციების მართვის სამსახურში შესული ინფორმაციის თანახმად, ქვანახშირის კარიერის გამაგრებითი სამუშაოების მიმდინარეობისას მიწის მასა ჩამოიშალა, რა დროსაც შახტში 2 მოქალაქე იმყოფებოდა.

ამავე თემაზე:

🔲 ტყიბულში მიწის მასა ჩამოიშალა - მაშველები 2 ადამიანს ეძებენ