"მიხეილ სააკაშვილის მდგომარეობა დინამიკაში გაუმჯობესებულია, უტარდება ადეკვატური თერაპია" - ნინო შარაშენიძე

გორის სამხედრო ჰოსპიტლის დატოვების შემდეგ, მიხეილ სააკაშვილის ჯანმრთელობის მდგომარეობაზე, ექიმთა კონსილიუმის ჯგუფის წევრებმა მედიასთან კომენტარი გააკეთეს.

კონსილიუმის ჯგუფის ერთ-ერთი წევრის ნინო შარაშენიძის განცხადებით, მიხეილ სააკაშვილის მდგომარეობა დინამიკაში გაუმჯობესებულია და უტარდება ადეკვატური თერაპია.

"მდგომარეობა დინამიკაში გაუმჯობესებულია, სტაბილურია. უტარდება ადეკვატური თერაპია მომზადებული და კარგი გუნდის მიერ.

ჩვენ ვნახეთ ლაბორატორიული კვლევის შედეგები, შევაფასეთ პაციენტის თერაპიული სტატუსი და დავუსახეთ ლაბორატორიული კვლევებისთვის შემდეგი სქემა. შევიმუშავეთ მკურნალობის ტაქტიკა.

ამ პროცესში, ჩვენი კონსილიუმის გუნდთან ერთად, აქ მომუშავე, არაჩვეულებრივი ექიმებიც მონაწილეობდნენ. პარალელურად რესპუბლიკური საავადმყოფოდან იყო გასტროენტეროლოგი, ნუტრიციოლოგი მოწვეული.

ექიმმა დასახა კვებითი ტაქტიკა ხვალინდელი დღის. 

ამ დროისთვის აქვს თავის ტკივილი და გარკვეული პრობლემები, რომელიც აბსოლუტურად ადეკვატურია.

იღებს საკვებს სქემის მიხედვით", – განაცხადა კონსილიუმის წევრმა ნინო შარაშენიძემ.

მიხეილ სააკაშვილმა 50-დღიანი შიმშილობა გუშინ, გორის ჰოსპიტალში გადაყვანის შემდეგ შეწყვიტა.

ამავე თემაზე:

🔲 გიორგი ჩალაძე: პრეზიდენტი ენდობა ექიმებს და მათთან თანამშრომლობს