მოკლული ნიკო კვარაცხელიას დედის ემოციური მიმართვა

საქართველოს ფერმერთა ასოციაციის თავმჯდომარე ნინო ზაბახიძე, თბილისში სასტიკად მოკლული 22 წლის ნიკო კვარაცხელიას დედის მიმართვას აქვეყნებს.

„ნიკოს დედა ...

ძალიან საწყენია როდესაც მედია საშუალებით ვრცელდება არასწორი ინფორმაცია, ნიკო კვარაცხელიას მკვლელობასთან დაკავშირებით.

ჩვენ თითოეული ოჯახის წევრი 3 თვეა არაფერზე ვსაუბრობთ რადგან ველოდებით გამოძიებას, არასდროს ჩვენ არ დაგვისახელებია არც დამკვეთები და არც კონკრეტული გვარები.

ინფორმაციას ჩვენ ვიღებთ გამოძიებისგან, და არანაირი ვერსია არ გაგვაჩნია.

არც ჩვენ ოჯახს და განსაკუთრებით ნიკოს მტრები არ ჰყოლია, ამიტომ ჩვენთვის რთულია ვისაუბროთ ვერსიებზე, ჩვენთვის მნიშვნელოვანია გამოძიების შედეგად დადგენილი ობიექტური სიმართლე.

გაუგებარია რატომ უსწრებს მოვლენებს მედია და ჟურნალისტები ისეთ მნიშვნელოვან საკითხზე რასაც ჩვენი ნიკოს მკვლელობა ჰქვია“, - წერს საკუთარ ფეისბუკგვერდზე საქართველოს ფერმერთა ასოციაციის თავმჯდომარე ნინო ზაბახიძე.

თბილისში ონლაინ პლატფორმა Feedc-ის დამფუძნებელი, 22 წლის ნიკა კვარაცხელია 15 სექტემბერს მოკლეს. მკვლელობა ვერაზე, ანჯაფარიძის ქუჩაზე, კვარაცხელიას ნაქირავებ სახლთან მოხდა.

ახალგაზრდას რვა ტყვია ჰქონდა მოხვედრილი გულმკერდის, ზურგისა და ბარძაყის არეში. ექიმებმა მისი გადარჩენა ვერ შეძლეს.

ასევე საინტერესოა:

🔵 ემიგრანტი ჟურნალისტი: ფილმებში გადმოცემული და რეალური ამერიკა სხვადასხვაა

🔵 ვზივარ ახლა გულაჩუყებული და ბედნიერებისგან ვტირი - ტორესა მოსი

🔵 ემიგრანტი ტრაგიკულ შემთხვევას ემსხვერპლა