"ოდესმე დადგება დრო, რომ ქვეყნის მმართველები მიხვდებიან არ არის კარგი სხვისი სამლოცველოს მითვისება" - რას წერს ქართველ მუსლიმთა კავშირის თავმჯდომარე, "აია სოფიას" მეჩეთად გადაკეთებაზე

ქართველ მუსლიმთა კავშირის თავმჯდომარე, საქართველოს პარლამენტის დეპუტატი "ევროპული საქართველოდან", ტარიელ ნაკაიძე სოციალურ ქსელ ფეისბუკში ფოტოს აქვეყნებს და მეჩეთად გადაქცეული "აია სოფიას" შესახებ წერს:

"დღეს (26.12.2021) მოვინახულე "აია სოფია".

გულწრფელი, რომ ვიყო გული დამწყდა.

ეს ის "აია სოფია" აღარ იყო, რაც შვიდი წლის წინ ვნახე.

თურქეთის ხელისუფლებამ (ფორმალურად სასამართლოს გადაწყვეტილებით) "აია სოფიას" მუზეუმის სტატუსი ჩამოართვა და მეჩეთად გახსნა.

მიუხედავად იმისა, ბევრი ადამიანი თურქეთში ამ ფაქტს დადებითად აფასებს და შეიძლება სხვა ქვეყნის მუსლიმებიც არიან ამ რიგებში, იმ მიზეზით, რომ არაერთი ისტორიული მეჩეთია ეკლესიად გადაკეთებული ან გაპარტახებულიო, მაგრამ მე სწორად არ მიმაჩნია.

თურქეთი მიერ მსოფლიოს მიმართ საუკეთესო მესიჯი და ნაბიჯი იქნებოდა რელიგიური ტოლერანტობის, სახელმწიფოებრივი სიძლიერის და შემწყნარებლობის მხრივ "აია სოფია" პირვანდელ მდგომარეობაში დაებრუნებინა - ანუ ეკლესიად გაეხსნა.

მინიმუმ მუზეუმად დარჩენა სჯობდა.

იმედი მაქვს ოდესმე დადგება დრო, ქვეყნის მმართველები მიხვდებიან პოლიტიკა არ უნდა ააგონ რელიგიურ გრძნობებზე.

ხოლო დომინანტი რელიგიური ორგანიზაციები კი მიხვდებიან არ არის კარგი სხვისი სამლოცველოს მითვისება", - წერს ფეისბუკზე ნაკაიძე.

სხვა სიახლეები:

🔳 "თვითგამოცხადებული დავით აღმაშენებლის ყველა ფანი ჩემს ფსიქიატრადაა გადაქცეული" - რას წერს თამარ ჩერგოლეიშვილი

🔳 კახი, მოდი, გავიხსენოთ ჩვენი წარსული... მთელ თბილისს გადაუარა კახიმ, ჩემს გარდა - ია ფარულავა

🔳 „ქმარს არ უყვარს ეგ მშვენიერი ქალი და ასეთებს ყოველთვის ყველაფერს ვპატიობო“ - დინა მირცხულავა

🔳 სალომე ზურაბიშვილმა და გიორგი მარგველაშვილმა შეიძლება შეასრულონ ნამდვილად ისტორიული მისია - მიხეილ სააკაშვილი